Willemstad – E famoso ‘rapper’ yu di Kòrsou Dongo djasabra dia 7 di sèptèmber a estrená su videoclip di e mas resien,“Brièchi”.  Den tempu kòrtiku  e video clip aki  a alkansá un total di mas ku 23 mil ‘views’ riba e artista su  página di youtube @teamdongo.

Landsloterij ta sumamente honrá ku Dongo, su embahador ofisial, a sinti su mes inspirá pa krea un tremendo rap nobo kantando di e brièchi.

E produkshon a wòrdu komponé pa e artista ,areglá pa e hóben Url Isenia i e videoclip a wòrdu produsí pa Gianno Silvanie di  THE SPOT CURACAO. 

E  video Clip tin un karakter sumamente chistoso, den kual Dongo ta demostrá su  talento , inspirashon i proseso kreativo miéntras e ta skibi un kansion rondó di e loteria.

E artíkulo aki ta finalisa ku otro nota positivo; resientemente Dongo su Video Clip a ‘Barbershop’a yega un kantidat di 10,340,571 ‘views’ riba youtube. Esaki sigur ta un logro sumamente grandi pa farándula lokal.

Pueblo di Kòrsou kompletu ta keda invitá pa wak e video clip “Briechi” riba www.youtube.com/teamdongo.  Pa mas informashon di Landsloterij i e kampaña, Ata bo Sa!, huntu ku Dongo bishitá www.landsloterij.org,  e página di Facebook di Landsloterij: www.facebook.com/landslotterij òf e página di Instagram di Landsloterij.