WILLEMSTAD/ Fanatikonan di Djuric Virginie i ICONS por a drumi kontentu djarason anochi ora ku e antisipashon a kaba i a estrená e videoclip di e mas resiente kansion di DjuDjuV i ICONS, “Mi ke sá”. Un kansion komponé pa Quincy ‘Biggie Smalls’ Comenencia i areglá pa Kennard Maduro ku sigur meresé un lugar haltu den bo kansionnan faborito. “Mi ke sá” ta relatá un berdadero historia di amor, un balansa perfekto entre duda i konfirmashon, i e búskeda pa un berdadero konekshon. 

E videoclip produsí pa Greyan Pastor a keda grabá na Kòrsou konteniendo teknologianan avansá di produkshon i filmashon. E’la keda estrená djarason anochi riba e kanal di YouTube di @decodedofficial i ya por bisa ku fanatikonan ta reakshonando masalmente;  mas ku 10 mil views riba un dia ta prueba di esaki. No por lubidá ku DjuDjuV mes a pèrkurá anteriormente pa mas di 1 mion views pa “Awó bo tin ku bai..” ku ta hasié mesora un kanta-autor sobresaliente. Djasabra awor, dia 31 di ougùstùs fanatikonan lo por baila “Mi ke sá” pa promé biaha ora ku ICONS kombiná ku Buleria den Club Sugar. Ta invitá fanatikonan pa sigui e desaroyonan di serka riba social media; riba Facebook/Instagram @iconscuracao. Pa mas informashon por bishitá Facebook/Instagram: @decodedofficial tambe. 

Music Video: https://www.youtube.com/watch?v=j29NliO2Uw8