WILLEMSTAD – Remses Rafaela miho konosi komo e bailarin i rapper Muisje Muis, ta bek despues di basta ratu ku un produkshon propio titula ‘Willemstad King’. Despues di su albun debut ‘Riba un Trip’ na 2016, unda Muisjemuis a ser estabelese komo e rei di músika trap antiano, ela kolabora ku varios artista estabelese manera Chaika Danuta i Stanley Clementina. Tambe Muisjemuis a traha ku algun talento nobo, manera Mozes i P.O.M, i awor e rapper surnameo/ antiano ku tur hende mester pone bista riba dje, Morena Louisa.

Djiesinku aña pasa, Remses Rafaela, kende ta bini foi un famia musikal i a nase na Kòrsou na 1980, a muda pa Hulanda pa eksplora su ambishonnan artístiko. Asina a kuminsá un karera ilustro, unda ela djòin e talentoso grupo di baile GROOVEKINGS, kua awó yama La Familia. Huntu ku e elenko akí, i tambe komo bailarín solista, Muisjemuis a baila den e shownan di entre otro Jandino Asporaat, Isabelle Beernaer, ISH, Roy Julen – e koreógrafo prinsipal di SYTYCD – BATTLE POR FIESTA, Maaspodium i Orkesta Filarmóniko. Na 2016, ela keda nomina den e top 5 di e mihó bailarín di Hulanda i asina e aparese riba portada di diferente revista hulandes te algún ‘billboard’ na China.

‘Willemstad King’ i e influensianan Afro Karibense Baile i koreografía, produkshon i komposishon di kantika, rap i kantamentu, presentashon i aktuashon – nada no ta muchu ekstremo pa Muisjemuis, kende ta kue kada oportunidat tene duru. Ku e oportunidat nan aki, Muisjemuis ke pone Kòrsou kontinuamente den un lus positivo. Resientemente ela keda selektá pa presenta Kòrsou den un eksposishon na ‘Wereldmuseum’, sitúa na Rotterdam. Ku su estilo di baile úniko, unda e influensianan Afro Karibense klaramente ta keda refleha, Muisjemuis a sa kon pa pone e mundu di baile hulandes riba su kabes. Komo ko-fundando di e konsepto ‘Jungle Boogie’, e i su tím a logra pone e zomerkarnaval di 2018 na kandela. Durante e fin di e aña aki, Muisjemuis lo figura komo un dje bailarin prinsipal den e espektákulo di Bboy den Maastheater na Rotterdam. Na 2020 e lo koreografía un aktuashon infantil kompletu.

Kolaborando ku Stanley Clementina i Zurich Musiq, Muisjemuis a desaroya su mes den un produktor musikal emergente ku un flow úniko. Aki ta meskla músika Karibense, e trap merikano ku un toke latino, akaba ku e sabor di Reggae roots. Ku e kantika ‘’Willemstad King’ ku Morena Louisa, kua a keda produsi pa Stanley Clementina, Muisjemuis su estilo musikal refreskante i aksesibel ta demostra un bes más kon grandi i balioso su e talento ta pa e komunidat antiano. Muisjemuis ta spera di ta un inspirashon pa tur hóben kreativo di Karibe i un ehempel bibu ku nada ta imposibel pa esnan ku ta kere den nan mes. “Korda ku mundu ta na bo pía”, Muisjemuis a finalisa.

E videoclip di ’Willemstad King’ ta disponibel riba YouTube na https://www.youtube.com/watch?v=2XuvZdCIyvM e single por keda pidi na tur radio popular riba nos isla. Bo por siguí Muisjemuis riba www.facebook.com/Remses Rafaela/Muisjemuis i Instagram @muisjemuis i informa pa presentashon na muisjeonly@gmail.com