Ku 500 Fun Miles bo tin 4 token!

WILLEMSTAD: Espektativa pa CNSJ Festival ta sigui oumentá; un djis t’aweró! Miembronan di Fun Miles por troka nan puntonan pa kumpra karchi- esaki por eksklusivamente na ofisina di Fun Miles na Dominguito. Meskos ku aña pasá lo por troka Fun Miles pa token di konsumo tambe durante di e 3 anochinan di festival. E ‘fun team’ tambe lo tei pa kontestá pregunta òf yuda miembronan di Fun Miles ku nan ‘pin’.

Artistanan di taya mundial

E di nuebe edishon di CNSJ Festival ta konta ku presentashon di e.o Nicky Jam, Pitbull, Juan Luis Guerra, Mariah Carey, Aloe Blacc, Aymée Nuviola, Black Eyed Peas, David Sanborn, Earth Wind and Fire, Gladys Knight, Havana D’Primera, Kenny G, Maroon 5, Maxwell, Michael McDonald i Third World. Karchi pa anochi ta 3,900 Fun Miles + $150 òf 17,550 Miles. Durante di e evento miembronan di Fun Miles por kumpra tokens hasiendo uso di nan puntonan. Ya for di 500 Fun Miles, bo tin 4 token – ekivalente na 10 florin. Falta 1 luna pa CNSJ Festival; spar bo puntonan!  Pa mas informashon por bishitá facebook.com/curacaonorthseajazz

Tokante Fun Miles

Miembronan di Fun Miles ta disfrutá kontinuamente di oferta, promoshon i eventonan spektakular manera e próksimo Curacao North Sea Jazz Festival. Si bo no ke pèrdè e ‘fun’ sigui nos riba social media, bishitá funmiles.net òf download e App di Fun Miles.