ULANDA.- Ayera nos embahadornan di Karnaval 2019 a bishita e ‘loods’ na Rotterdam kaminda tur e karosanan ku ta partisipá den Karnaval ta wòrdu dòrna. Nan a sera konosí tambe ku e presidente di Zomerkarnaval i a kombersá ku mayoria di hende ku tabata presente i trahando riba e último detayenan riba nan karosa.

Durante di e bishita, nos Reina di Karnaval 2019, Naomi Bitoria, a risibí e grato sorpresa ku lo e ta riba karosa di grupo # 9 huntu ku 2 reina mas.

Riba potrèt por mira e embahadornan di bishita i tambe momentu ku nan a keda entrevista pa un medio di komunikashon.