Usuarionan regular di data di Chippie awor no tin ku preokupá mas ku aktivashon di bùndel di data na momento ku esun aktual tèrminá, ya ku Chippie ta introdusí ‘auto-renewal’ riba su demas data bùndelnan, konosí komo SURF bundles.

‘Auto-renewal’ ta fasilitá bida di nos usuarionan, ya ku na momento ku e bùndel di data aktual yega su fecha di vensementu, esaki por ser renobá outomátikamente si e kliente tin sufisiente krédito riba su telefòn. Pues, bo no tin ku keda kòrda mas pa aktivá i konfirmá dor di manda e lèter A na 3434. Esaki ya lo no ta nesesario mas.  24 ora promé ku e bùndel ekspirá, e kliente  lo risibí un SMS indikando esaki. E kliente ta keda ku e eskoho pa hasi uso di ‘auto-renewal’ òf kanselá esaki.

Komo usuario bo no tin ku preokupá mas ku kore e rísiko di pèrdè bo data roll-over si akaso bo a sobra data na momento ku bo bundel a kaduká. Djis sòru pa bo tin sufisiente krédito i esaki lo sosodé di forma outomátiko! Esta un trankilidat!

Manera indiká e introdukshon aki ta pa e demas SURF bundles di Chippie, ya ku nos usuarionan di e bundel di 1 dia di 70MB, e surfd70, ya kaba tabata disfrutá di e tremendo benefisio aki. Tene kuenta ku ‘auto-renewal’ no ta aplikabel riba Chippie su Combo bundles,  ni tampoko e 3DS i 3MS bundles.

Pa aktivá kualke Chippie bundle i kontrolá bo saldo di data, minüt i/òf SMS, konsultá bo miUTS app libremente. Si akaso bo no tin esaki, download e grátis via bo app store, p’asina bo por yega na bo informashon i/òf aktivá kualke bùndel fásilmente na kualke momento.

Pa mas informashon di tur Chippie bundles i hopi mas, bishitá www.uts.cw òf nos página di Facebook www.facebook.com/utscuracao