Djaweps Fundashon JAG a tene su rueda di prensa na Hotel Acoya su sportsbar pa suministrá tur informashon tokante e konsierto bailabel di e kantante internashonal ALA JAZA dia 10 di augustus próksimo den Festival Center.

Presidente di Fundashon JAG Juni Aniceta a habri e atardi, yamando medionan di komunikashon bon biní i a bai over na splika kon a yega na e union entre e Dominican DJ’s Curacao, Agrupashon Era, DJ Argenis Huerta i Felito Martinez & 6to sentido pa huntu ku ALA JAZA organisá e evento grandi aki pa pueblo di Kòrsou.

Seguidamente DJ Jose a duna algun splikashon di e movimentu di e DJ nan Dominikano na Kòrsou i ta aploudi e union ku Fundashon JAG. Tambe DJ Jose a hasi uso di e oportunidat pa duna un biografía kórtiku di Enmanuel Jimenez(ALA JAZA).  Felito Martinez tambe a elogiá e union pa trese e artista di taya aki Kòrsou i Lionel Virgini representante di ERA a splika ku e mester a kanselá un otro kompromiso ku ERA tabatin riba e fecha aki pa kontribuí na e magno evento aki.

Juni Aniceta a sigui splika i duna mas informashon riba e kontenido di e konsierto bailabel aki. Festival Center lo bai wordu transformá den un sitio kaminda tur hende por bin sosialisá, baila, gosa i kompartí ku otro. Ta pesei e lema di e anochi di e evento lo ta “ Que nadie se meta”.  E transformashon di Festival Center lo ta den man di Giovany Habath, Shurendi Pieternella i Quicy Sintjago.

Karchinan ta na benta na Mensing Caminada, 24 uur uit de muur i na GL Jewelry. Karchinan ta optenibel den diferente kategoría;
General                 – fl. 50,
Silver                     – fl. 100,= inkluyendo 2 drink,
Gold                       – fl. 600,= pa 4 persona inkluyendo é  bòter di bo preferensia,
Diamond               – 10 persona all-in
Pa karchi pa e kategorianan di Gold i Diamond mester yama na e numbernan di tel. 529-2071 i 685-0474 i nan lo risibi un plataforma pa nan por skohe nan sitio di mesa.

E artista internashonal ALA JAZA i su agrupashon ta yega Kòrsou dia 9 di ougustus 2019 i lo bai tin un rueda di prensa ku e artista ku lo wordu anunsiá despues.
Fundashon JAG kier yama un danki na tur su partnernan ku ta yuda hasi e evento aki posibel kendenan ta;
Radio Active, Radio/televishon Direct, Air Century, ACOYA, UTS, Kòrsou ta Dushi, Festival Center

Fundashon JAG ta invitá pueblo di Kòrsou pa bin presensiá dia 10 di ougustus 2019 e artista internashonal aki, ku pa basta tempu Kòrsou tabata spera.