Fundashon JAG huntu ku su partner nan Ofisina di Turismo i Air Century ta presentá na Kòrsou den konsierto baliabel dia 10 ougùstùs 2019, e popular kantante Dominikano “Ala Jaza” den Curaçao Festival Center.

Ala Jaza ta konosí pa su último éksito “Que nadie se Meta”. Un hóben multitalentoso pa loke ta músika “Urban Merengue” konosí komo “MamWali”.  Ala Jaza ta un kantante, kompositor, areglista, produktor Dominikano.

E la yega di traha ku diferente otro músiko, manera entre otro, Daddy Yankee, Looney Tunes, Henry Santos, Don Omar i hopi mas. Ela produsí tambe huntu ku e konosido Farruko, …….”Mi forma de Ser”. E la forma parti di e agrupashon musikal “Aventura”. Éksito nan konosí ta “Nadie se Meta”, “Culpable” i “Ta’mo Bien”.

Ala Jaza a wòrdu nominá pa vários premio na diferente okashon, premionan manera Galardon “Soberano”, Merengue song of the year.

Djasabra 10 di ougùstùs portanan ta habri for di 7’or anochi, den preshow lo tin aktuashon di Felito Martinez & 6to Sentido, ERA huntu ku e popular Dj Argenis Huerta. Karchinan pa e sekshon nan General i Silver ya ta optenibel na Mensing’s Caminada, 24 uur uit de muur. I pa e sekshon Gold & Diamond por yama na e numbernan di telefon +599 9 529 2071 òf +599 9 685 0475.