FUNDASHON JAG TA REFUTÁ E NOTISIA AKI KU TUR SU FORSA, MIRANDO KU FUNDASHON JAG TA UN FUNDASHON KU TA KONSISTÍ DI HENDENAN SERIO I KOREKTO KU NO TA PRESTA NAN MES PA E PRÁTIKANAN BAHO AKI.

FUNDASHON JAG A BIN TA TRAHA DURU I KU HOPI AMOR I DEDIKASHON PA ENGRANDESÉ KARNAVAL DI KÒRSOU I TA LAMENTÁ KU MENTENAN MALIGNO TA FABRIKÁ TIPO DI INFORMASHONNAN ASINA AKI PA DAÑA SU BON NÒMBER.

ULTIMAMENTE NOS A RIPARÀ KU ESAKI A BIRA E MODUS OPERANDI DI UN GRUPITO KU NO KIER MIRA KOSNAN KANA BON NA KÒRSOU I DEN E KASO SPESÍKO AKI DEN KARNAVAL DI KÒRSOU.

FUNDASHON  JAG A TRESE I TA SIGUI TRESE DIFERENTE INOVASHON DEN KARNAVAL, KU KORSOU EN GENERAL TA BENEFISIÁ FOR DI DJE. LOKE KU FUNDASHON JAG A BIN TA HASI DEN KARNAVAL PA HOPI TEMPU NOS NO A EKSPERENSIÁ NA KORSOU. AMIGU I ENEMIGU TIN KU REKONOSÉ KU PA DOS AÑA KABA TA REINA PAS I TRANKILIDAT DURANTE DI E PERIODO DI KARNAVAL NA KÒRSOU.

FUNDASHON JAG KIER PONE HOPI BON KLA KU TUR LOKE KU FUNDASHON JAG TA RISIBÍ DI GOBIÈRNU DI KORSOU I PARTNERNAN, SIN DUDA ALGUN TA BAI BÈK DEN KARNAVAL, PREMIASHON I GRUPONAN DI KARNAVAL. DI E MANERA AKI FUNDASHON  JAG TA DUNA BALOR NA HENDE I TUR E PROTAGONISTANAN DI KARNAVAL.

FINALMENTE FUNDASHON JAG KIER REFERÍ ESNAN KU TA PURBA NA DESAKREDITÁ E FUNDASHON I E TRABOUNAN BALIOSO KU EL A BIN TA HASI PA E PUEBLO DI KORSOU, E FUENTENAN KAMINDA NAN POR HAÑA E INFORMASHONNAN KOREKTO TOKANTE TUR LOKE KU NAN TA INSINUÀ O ENTREGÁ UN KEHO NA MINISTERIO PUBLIKO.

FUNDASHON JAG LO SIGUI TRAHA NA BIENESTAR DI KARNAVAL I PUEBLO DI KORSOU, MIENTRAS E TIN E ENKARGO.

PRESIDENTE FUNDASHON JAG

HUBERT(JUNI)ANICETA