Registrá awe mes

WILLEMSTAD:- Ya ta asina leu ku muchanan ta drenta nan temporada di fakansi. Mayornan ku ta deseá pa nan yunan di entre 8 i 12 aña ta den un ambiente edukativo i dibertido ta pensa riba Tinkersjòp. E plan di fakansi lo ta di djaluna 8 di yüli pa djabièrnè 12 di yüli entre 7.30am pa 12.30pm na Kurá di Arte.

Tinkersjòp ta un fundashon ku ta komprometé na laga e mucha eksplorá i partisipá den un eksperensia edukativo den e áreanan di siensia, arte i desaroyo sosial, tur esaki miéntras ta akshoná riba e kuriosidat di e mucha. Durante di e fakansi plan muchanan lo hasi diferente tipo di eksperimentu di siensia i lo pone atenshon riba eksperimentunan ku tin di haber ku solo, bientu, tela, produktonan residual, i tambe ‘LittleBits’, esakinan ta blòki chikí elektróniko. Kontribushon pa kada mucha ta Naf. 40,- pa mucha pa dia i ta inkluí algu pa e yu ches. E di dos yu (of ruman) ta risibí un deskuento riba su kontribushon na e fakansi plan. Pa mas informashon di  Tinkersjòp por bishitá e websáit www.tinkersjop.com, e página di Facebook òf por yama na 515-8465. Laga e muchanan pasa momentunan kontentu huntu ku otro muchanan den un ambiente edukativo. Pa registrá e yu(nan) mesora por manda un email na events@tinkersjop.com