E kompania mama di Omni, Unicorner Curaçao ku asistensha di Certus Insurance Brokers a sera un akuerdo pa un penshun kolektivo ku ENNIA pa su personal na Kòsou, Sint Maarten i Boneiru.

Unicorner ta krese komo un empresa  prestigioso  den distribushon i benta di markanan di kalidat i mihó pa medio ambiente manera Samsung, Panasonic, Midea, Mastertech i Mabe, e markanan mas konosi pa loke ta aparatonan di kas i èrko. Tambe Unicorner ta spesialisá den benta di muebles i asesorio di muebles. Esakinan ta na benta den Omni Furniture Gallery. Unicorner tin tiendanan na Korsou, Omni i Radio Shack, i na Boneiru i St Maarten, kada unu ku un Omni. Total tin 119 persona den servisio di Unicorner.

Managing director Sonia Kemp-Manglani ta haña importante pa nan personal tin un penshun adishonal komo entrada ora nan stòp di traha. Pa sektor di komèrsio ta úniko ku ta regla kondishonnan di trabou sosial asina akí. “Nos ta un empresa ambisioso  ku ta kresiendo riba e islanan i ta parti di Unicorner Group ku ta aktivo na Amerika Sentral, den Karibe i na Merka ku un vishon i mishon bon kla formulá. Nos no ke mustra nos liderazgo solamente riba tereno di negoshi pero tambe riba tereno sosial pa nos personal  ku ta yuda nos realisá  nos kresementu.

Huntu ku Reinier de La Fuente di Certus Insurance Brokers nos a realisá e areglo di penshun ku ENNIA. “No solamente un penshun adishonal pa despues, sino tambe entrada pa e famia ku ta keda atras den kaso ku e empleado fayesé trempan”, sigun Kemp-Manglani. Ta su deseo pa hinter sektor di komèrsio sigui e inisiativa akí.