Yamando tur super hérue!

WILLEMSTAD, yüni 2019 –  Nagico Insurances e kompania ku a bin ta laga pueblo di Kòrsou spar riba su seguro di outo sin limitá e kobertura ta yamando tur super hérue pa un evento super-spektakular! E aña aki Nagico ta kontentu di por sostené Ronald McDonald House Charities Curaçao Foundation ku e di 3 edishon di Superhero Mall Run.Manera tur hende sá,tur fondo rekoudá ku benta di e ‘superhero cape’ lo benefisiá RMHC ku por medio di su programanan ta yuda  i duna sosten na muchanan i nan famia ku ta pasando den tempu difísil di enfermedat. Koleganan di Nagico kompañá pa embahador di Nagico, Ray Lauffer i representantenan di RMHC a ofisialisá e patrosinio djaluna mainta.

Tokante Superhero Mall Run

Ta invitá tur super hérue pa e Superhero Mall Run dia 14 di yüli awor na Sambil.  Lo ta un tremendo evento pa mucha entre 4 te 10 aña di edat- i tur esaki pa un bunita kousa. Tur mucha ku partisipá na e evento pa rekoudá fondo, mester  tin su ‘cape’ bistí. E fundashon RMHC ta bende e ‘superhero cape’na rason di 17,50 florin entrante dia 28 di yüni 18:00 na mainstage na Sambil. Nagico Insurances ta invitá komunidat di Kòrsou pa aportá na e fundashon ku a bin ta hasi un bon trabou pa muchanan den nos komunidat.  Pa mas informashon por bishitá e página di Facebook di RMHC òf Nagico Insurances Curaçao.