Dia 29 di yüni Hotel Avila lo ta esenario pa un tremendo espektákulo di dos amigu eterno. Ta trata aki di e shou titulá AMIGU PA SEMPER…. Leslie Vos  I Tony Shearman..Manera nan mes a ku nan a yega di toka huntu riba mes un steidj.. pero den e agrupashon musical The Realty..

Den shou nan dos a forma parti di un shou huntu ku otro artistanan. Pero esaki ta e promé biaha ku nan ta subi  steidj I presentá un variashon di kansion ku sigur lo lagabo ku nostalgia. Kansionnan di e époka 60 bin ariba… E shou tin atrakshon di baile kombiná ku tur ingrediente nesesario pa hasié un shou ku lo laga bo keda korda.Un konstelashon musikal kombiná ku algun korista lo ta esnan ku ta duna e shou tambe e toke pa bo sinti e kansionnan den nan forma outéntiko.

Amigu pa Semper ta tuma lugá na Hotèl Avila dia 29 di yüni. E shou ta och’or di anochi. Preis di entrada pa forma parti di Amigu Pa Semper ta 75,– I Early Bird ta f.55,– Un gradisimentu sigur ta bai tur esnan ku patrosiná e espektákulo úniko aki Ennia. Prakash Mode, Digicel, Lilu, Coca Cola Korsou, Avila Beach Hotel, Telecuracao Funmiles Massive prodctions De Wars White Label.