Klientenan di ENNIA ku tin un Medicard no tin mester di bini ENNIA mas ku un karta di referensha pa por haña un karta di garantia. Pa tur partido esaki ta un mehorashon inovativo agradabel ku ta ofresé komodidat  i kalidat.

Outomatisashon a hasi referensha pa SEHOS mas simpel i ta spar klientenan di ENNIA hopi tempu. Ku e karta di referensha di e dòkter di kas e kliente por bai SEHOS mesora i einan ta uni e karta di referensha i e karta di garantia di ENNIA di forma digital via di un portal entre ENNIA  i SEHOS.

Ku un solo swaip di e ENNIA Medicard por mira mesora si un kliente ta sigurá pa e referensha. E karta di garantia pa SEHOS ta na mes momentu den e sistema i SEHOS por ofresé e kuido nesesario dirèkt.

E sistema ta den uso for di mart i a tèst e intensivamente entre SEHOS i ENNIA. E promé klientenan  tabatin un eksperiensha hopi positivo i nan por a sigui mes ora pa SEHOS pa e kuido spesialisá nesesario.

Pronto ADC ku su diferente pòstnan di prek tambe lo konektá riba e sistema digital di E-Zorg i asina nan tambe lo por yuda klientenan ku un ENNIA Medicard di un manera simpel. Paga gastu di e servisio adelantá i deklará resibu despues lo no ta nesesario mas.