Djasabra dia 15 di yüni antesala pa Dia di Tata

WILLEMSTAD –  Djasabra awor dia 15 di yüni, lo presentá otro edishon di ‘Roof Top Kitchen’, e biaha aki dediká na tur Tata. Ademas, djasabra benidero ‘Roof Top Kitchen’ lo ta na un área diferente; Infinity Beach Club, na e di dos piso di Renaissance Curaçao Resort. E evento ku bista riba laman lo ta un antesala di ‘Dia di Tata’ i lo tin un aksento Cubano. Eksperensia un bahada di solo espektakular miéntras ta disfrutá di ‘Cuban Groove’.  Un anochi ku dushi kuminda estilo tapa’s, i kòktelnan eksótiko prepará pa e mihó bartèndernan i ekspertonan den miksologia. Renaissance Curaçao Resort lo presentá ‘Roof Top Kitchen’ for di 7’or pa 11’or di anochi. ‘Roof Top Kitchen’ ta un evento kulinario den airu liber i eksklusivo- entrada ta grátis. E evento ta kombiná kuminda, bebida i un estilo sofistiká. Por sea para òf sinta na diferente mesa haltu òf por tuma asiento ku un grupo grandi den un área kómodo ku ‘sofa lounge’. Tin WiFi i parkeo grátis pa tur kliente. Ounke entrada ta grátis, ta importante pa reservá. Pa mas informashon òf reservashon por yama 435.5034 of por email dlapas@curacaorenaissance.com