Brunch, Dinner, Ciga y hopi exclusividad!
ORANJESTAD – Juni – LG Smith’s Steak & Chop House (LGS) na Renaissance Aruba Resort & Casino ta celebra Dia Tata cu un brunch extenso ‘a la carte’. Pa esunnan cu ta prefera dinner, tin opcion di anochi tambe. LGS ta conoci pa ofrece un experiencia eleva, sea ta pa brunch of dinner- semper LGS a surpasa expectativa di tur esunnan cu ta amante di e miho steak, e miho biña y un ambiente exclusivo pa sinta come y disfruta. Dia di Tata ta un ocasion special y Tata merece, LGS! Ademas, tur tata lo ricibi un shot di Dewar’s 15 y un glas di whisky gratis durante brunch of dinner.
LGS ta brinda 2 opcion pa Dia di Tata; brunch of dinner. E brunch ta ideal pa un celebracion familiar exclusivo y lo wordo presenta for di 11’or di mainta te cu 14:30 pa unicamente $49 pa persona. Na yegada lo ricibi opcion di diferente pan fresco for di forno, tambe por scoge pa e LG’s Deluxe Deli cu opcion di smoked bacon, smoked duck breast, salsiccia piccante, salmou gravlax y/of un surtido di fruta. Den seccion di sopi y salada lo por scoge pa por ehempel un suculento Escargot Smith’s Style, of un Steamed Clams in White Wine Sauce. Den seleccion friew lo tin entre otro Mixed Seafood Ceviche, Pork Bruchetta of Tuna Cube Brulee pa menciona algun. Unabes yega e seleccion ‘cayente’ por spera por ehempel un Lobster Parmentier, Crispy Lamb Chops of un Braised Certified Angus Beef Short Ribs. Semper LGS, ta corona e brunch cu un variacion amplio di desserts; por spera Suspiro a la Limeña, Bread Pudding y mas! Durante brunch lo por disfruta di mimosa y/of sparkling wine ilimita. Pa esunnan cu ta desea sparkling wine por scoge entre Veuve Clicquot brut na boter pa $65 of na glas pa $15.
Pa accentua e experiencia durante Dia di Tata, Cigar Emporium lo ofrece ciga na prijsnan atractivo y specialmente pa Dia di Tata! Dia 16 di juni proximo LGS lo lansa su special riba whisky y e lo ta vigente durante henter luna. Pa esunnan cu ta prefera sinta anochi mas relaha, tin opcion di dinner. Lo presenta e Father’s day Dinner entre 6’or di atardi y 11’or di anochi. Riba e anochi aki lo ricibi 2 bebida, Dewar’s Premium 12-15 of 18 cu cualkier pedido di Steak for di e menu di LGS na $20 of e High Premium Dewar’s 12-18 of 25 pa $39. Pidi cualkier combinacion di bo steak preferi. LGS ta conoci pa su certificacion USDA, su ‘aged-prime steaks’ y varios otro specialidatnan cu ta inclui e famoso ‘rack of lamb’ y nan seafood fresco cumpra na Aruba mes. Cla pa reserva? Yama 523.6115 of bishita www.lgsmiths.com For di awor ta desea tur tata di Aruba, un feliz dia!