WILLEMSTAD- YUNI-  Fin di siman último a tuma lugá e kareda di baiskel di Sorsaka Bikers. Mas di 100 koredó di baiskel entre nan siklistanan di kaya i ‘mountain bikers’ a partisipá na e karedanan. Dos dia yen di adrenalina; Gyasi Sulvaran a resultá máksimo ganador den kategoria maskulino riba tur dos dia, miéntras ku Tamara Brank a dominá e kategoria femenino durante ámbos dia.

E baiskelnan di kaya a kore djasabra riba tereno di Mijnmaatschappij i Santa Barbara Beach Resort. Ganadónan a resultá Max Janssen (Elite), Manuel Seintje (Master A), Rinke Karman (Master B), Carine Bergmann (Dames), Deborah van Grootveld (Beginner M/V), Dounkan Bernadina (Junior 17/18) i Gabriel Grinuva (Junior 15/16).  Siklistanan riba ‘Mountain bike’ a kore djadumingu den saliñanan di salu na Jan Thiel. Den kategoria ‘Mountain bike’ e ganadónan a resultá; Gyasi Sulvaran (Elite), Manuel Seintje (Master A), Yamel Guerrero (Master B), Peter Winkel (Master C), Tamara Brank (Damas), Karel Alexander (Beginner M/V), i Dounkan Bernadina (Junior 17/18). Kenfood Trading Co. NV ta orguyoso di por a kontribuí ku e kareda di Sorsaka Bikers i ta felisitá tur partisipante i e ganadónan den nan respektivo kategoria.

Sorsaka Bikers ta gradisí tur persona ku ta kana den naturalesa i esnan ku ta biba den e bario i/òf área na unda e karedanan a tuma lugá pa nan komprenshon i koperashon. Direktiva ta spera di por keda konta ku nan sosten. Pa mas foto por bishitá https://www.facebook.com/sorsakabikers/