Fin di siman aki

Pa di 3 aña, e kompania A Special Day huntu ku su diferente partnernan ta organisá Curaçao Food & Festival City, un evento pa famia kompleto.  Despues di 2 aña na Rust & Burgh, e aña aki e ta tuma lugá na un otro city… Landhuis Brievengat!

Manera ya konosí pa hopi, Curaçao Food & Festival City ta tuma lugá e fin di siman aki, esta dianan 8 i 9 di yüni. Lo ta dos dia kargá ku diferente aktividat pa grandi i chikí. Banda di e diferente stèntnan di kuminda i kosnan di boka dushi, lo tin tambe diferente stènt tambe di informashon i produktonan na benta. Mas ku klaro, lo tin animashon musikal i un area speshal pa nos muchanan ku diferente atrakshon.

Nos tur por kòrda kon dushi e ambiente tabata antes na Landhuis Brievengat, awèl awor ku A Special Day, lo ta aun mas mihó! Ya ta varios t’esnan ku a komprometé nan mes pa ta parti di e tremendo evento aki, ounke ku tin algun lugá mas si pa prinsipalmente empresaronan chikí; pues si bo tambe ta interesá pa risibí mas informashon i/òf inskribí na e evento aki, tuma kontakto via di email cfandfc@outlook.com òf yama na 5160273.

Aparte di por sigui tur desaroyo rondó di e evento aki riba su página di Facebook, www.facebook.com/curacaofoodcity, tin tambe algun kampaña tumando lugá riba e página kaminda ku abo tambe por partisipá!