Ku presentashon di diferente artista

Willemstad- Dia 16 di yüni di aña 1974 Rev Pastor Gregorio Redoblado a ser ordená sacerdote na Diocese di Legaspi, Philippines – Fiesta di Corpus Christi, pues e aña aki e ta kumpli 45 aña komo saserdote.

Anto Djarason dia 12 di yüni próksimo Rev. Pastor Greg ta bai selebrá su 45 aña komo sacerdote en grande ku su amigu i fielnan Katóliko  ku un gran konsierto titulá “45 Aña kumpliendo ku yamada di Señor: “Kuida mi karnénan”.

Tur hende ku konosé pastor Greg sa, ku e ta un persona ku ta stima músika, además ku e ta gusta kanta tambe.

Un elenko di diferente artista konosí manera Ilvia Gustina, Lady Su, Judiënne Lebacks, Heinrich Pieter (Richi Rich) Charlotte Lopes, Kadir Snijder, Vonetta Lauffer i tambe Pastor Raul lo forma parti di e anochi aki kompañá pa Hershel Rosario su orquesta.