Un ‘COOLinary Event’ cu bo no por faya!

ORANJESTAD – MEI–  Ta tempo atrobe pa un otro Food Festival! E evento culinario na unda cu amantenan di dushi cuminda y platonan suculento ta topa otro na Renaissance Marketplace.  For di 6’or di atardi publico por disfruta di platonan internacional y local.  E ‘COOLinary Event’ aki ta diferente for di tur otro; cana, relaha y disfruta di un anochi ameno y cu hopi accento culinario. Sali for di e rutina purbando diferente plato y  asina amplia e horizonte culinario. Pa 9’or di anochi lo tin presentacion ‘live’ di Robert Jeandor y Su Solo Banda Show riba escenario principal, dilanti Café The Plaza. Tur restaurant den Renaissance Marketplace lo tin special riba e anochi di Food Festival dia 1 di juni proximo.

Tocante:

Renaissance Marketplace ta combina e experiencia di un plasa aire liber cu un evento culinario. Durante dia e ta vibrante cu un variacion amplio di establecimento pa shopping, y ta ofrece oportunidad di desayuno y lunch. Mas atardi pa anochi e plasa tin un ambiente apart, cu entretenimento bibo y diferente restaurant creando un fucion fantastico pa un anochi yen di parentesis.  Pa mas informacion por bishita e pagina di Facebook di Renaissance Marketplace.