ORANJESTAD, Aruba – 24 di mei 2019: Pa un alumno por atende e aña escolar 2019 /2020, SKOA ta exihi cu tur mayor of voogd presenta nan prueba di pago di “Schoolgeld” y “Aircogeld”.

Pa e motibo aki Aruba Bank kier recorda tur mayor y voogd cu ta brinda oportunidad pa hasi pagonan via Aruba Bank Online Banking, Aruba Bank App y Aruba Bank Customer Service Kiosk.

Na momento di pago di “Schoolgeld”, ta importante pa tin e siguiente informacion di bo yiu:

·        Number di AZV di studiante,;

·        Nomber y fam di studiante

·        Nomber exacto di e scol cu e yiu lo atende.

Tur pago lo mester wordo haci ariba e cuenta bancario di SKOA, Stichting Katholiek Onderwijs Aruba, number di cuenta 6005292 na Aruba Bank.

Cliente di Aruba Bank por haci pago via Aruba Bank Online y Aruba Bank App, den e “Address Book”, busca “SKOA Schoolgeld” y Aruba Bank su Customer Service Kiosk. E kiosk ta disponibel na Camacuri Branch di 8or di mainta pa 8or di anochi tur dia, na Hato y Mainstreet Branch di 8or di mainta pa 4or di atardi di dialuna pa diabierna.

Cliente di otro banco local por haci pago via transferencia via Online Banking cu bo banco ta ofrece of via un transferencia bancario. E suma exacto mester wordo transferi ariba cuenta di SKOA na Aruba Bank menciona ariba, incluyendo e informacion exacto di studiante y e scol, manera ariba menciona.

*Pago di SKOA “Schoolgeld” of “Aircogeld” na Aruba Bank branch, lo tin un gasto di AWG 3.- pa cada transaccion na teller pa clientenan di Aruba Bank y un gasto di AWG 10.- pa cada transaccion na teller pa clientenan di otro banco*

Pa tur esnan cu paga SKOA “Schoolgeld” prome cu 31 di juli 2019 usando un di e metodonan Online menciona, ta participa pa gana un voucher na balor di AWG 500.- na un lugar di escogencia pa “Back To School”!

Informacion tocante contribucion y cuenta di banco pa “Aircogeld” ta wordo manda via e scol. Pa mas informacion por tuma contacto cu SKOA of por tuma contacto cu Aruba Bank via Contact Center na 527-7777