Manera ya konosí, Jazz Meets Cultures ta tuma lugá djasabra 1 di yüni próksimo na Landhuis Brievengat di 8or pa 12or di anochi, ku e meta pa duna un man na nos hobennen menos pudiente ku nan formashon artístiko.

E aña aki tambe tin un line-up impreshonante di alrededor di 30 artista, den nan Ataniro i Rocco for di Aruba, Tsean for di Hulanda, Serapio Pinedo ku su Ka’i Orgel den kuadro di aña di Ka’i Orgel, Maarten Schakel, Miguel Gustino, Yumaira Grijt, Riggwend Doorjé, Anairia Nivillac, Remy Joss, nos kantadó mayó 2019 Adjatay Denisia, Rich Pieter, Chaika, Menasa, Mistica Stefania, frònt di Icons, kendenan tur lo keda kompañá pa Dennis Aalse i su Big Band.

Faltando apenas 2 siman pa e evento aki, Foundation Jazz Meets Cultures huntu ku ACU a yega na un speshal pa su miembronan… miembronan di ACU por asistí na e tremendo festival aki pagando fl. 55,- pa entrada na lugá di fl. 65,-! E karchinan aki lo ta optenibel eksklusivamente na 540-0111 i tambe 566-9828.

Pa kualke informashon di Jazz Meets Cultures 2019, por chèk su página di Facebook i tambe Instagram, bou di e nòmber JazzMeetsCultures, via email na info@jazzmeetscultures.com òf tambe via di e number di telefon 540-0111.