Ku presentashon di Juni Juliet, Dennis Cecilia i Naño Rosario

WILLEMSTAD – MEI –  Esaki t’e siman! Renaissance Curaçao Resort ta invitábo pa selebrá Dia di Mama durante di e Brunch Buffet den Atrium dia 12 di mei próksimo. Spesialmente pa e dia aki,  a prepará un aktividatnan spesial i entretenimentu bibu. Lo tin músika di Juni Juliet i presentashon spesial di Naño Rosario i Dennis Cecilia pa tur mama. E tim kulinario di Renaissance Curaçao Resorta prepará un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba e ‘dessert’.

Renaissance Curaçao Resort su Mother’s Day Brunch lo ta únikamente 105 florin pa persona ($59). Reservá trempan pa huntu ku bo famia bo sigurá un lugá pa djadumingu awor, entre 12’or di mèrdia i 3’or di atardi. E Mother’s Day Brunch, ta inkluí ‘Mimosa’ ilimitá, i Belinis. Muchanan di 5 pa 12 aña ta paga mitar preis, miéntras ku mucha bou di 5 aña ta kome grátis! Ta rekomendá pa hasi reservashon na tempu; lugá ta limitá. Pa reservashon por yama 435.5034 òf email fbsupervisor@curacaorenaissance.com For di awor kaba Renaissance Curaçao Resort ta deseá tur mama di Kòrsou un felis dia!