‘Nos no por sigui mas’ i ‘ Dikon no’

WILLEMSTAD.- Juni Juliet ta bolbe trese rekuerdo grato pa amantenan di músika lokal. Un medley di dos éksito grandi di e agrupashon musikal B.E.S.S., Babalu Eddy Mar Salsa i Sabor ta loke ku Juni Juliet a pone riba merkado.

Pa esnan dje époka di dékada 80 sigur nan ta kòrda e kansionnan ‘Nos no por sigui mas’ i tambe ‘Dikon no’, dos komposishon dje gran músiko i kompositor, Eddy Mar.

By the way, ta bon pa menshoná ku Juni Juliet tambe a yega di graba ku BESS. E komposishon ‘Ta segun bo’ a keda graba pa Juni ku BESS, e tempu ei Juni tabatin apénas 17 aña. Produkshon musikal dje ‘Homenahe na Eddy Mar’ tabata na enkargo di Tico Roberto. Entrante awe bo por kuminsá skucha ‘Homenahe na Eddy Mar’ na radio. Ban sigui sostené nos artistanan lokal!.