Ku presentashon di John Legend, Charlie Wilson, DJ Jazzy Jeff i hopi mas
WILLEMSTAD – Den fin di siman di 24 pa 26 di mei próksimo lo tuma lugá e di 19 edishon di Soul Beach Music Festival na Aruba. Un biaha mas e ta primintí di bira un evento spektakular, ku presentashon di artistanan di taya mundial manera John Legend, Charlie Wilson, H.E.R., Ella Mai, komediante Deon Cole i DJ Jazzy Jeff. E aña aki tambe por troka bo puntonan di Fun Miles pa karchi. Esaki por pa únikamente 6.250 FM of 750 FM + 55 dòler na ofisina di Fun Miles na Dominguito òf na partner ofisial di Fun Miles, Mau-Asam Travel ku tambe ta ofresiendo algun pakete masha atraktivo. Esun ku ke eksperensia Soul Beach Music Festival na Aruba e aña aki mester hasi lihé, ya ku kantidat di karchi optenibel na Kòrsou ta limitá.
Tokante Soul Beach
Ku e di 19 edishon di Soul Beach, e festival no tin mester di niun introdukshon mas na Kòrsou, ni den Karibe. USA TODAY a skohe e evento den su ‘Top Five Caribbean Celebrations’, i Jetsetter Magazine a dun’é te hasta e titulo di ‘#1 Caribbean Summer Festival’. Mas informashon riba soulbeach.net.
Un line-up di taya mundial
John Legend ta un mega-artista ku diferente hit na su nòmber i 10 Grammy Awards. Charlie Wilson ta konosí rònt mundu pa su éksitonan ku Gap Band, pero tambe ku Snoop Dogg, Justin Timberlake, Pharrell i Kanye West. E artista H.E.R. di 21 aña di edat ta trese un zonido nobo i kreativo den R&B i tin 2 premio Grammy na su nòmber i miónes di views riba YouTube. Komediante, Deon Cole ta konosí dor di entre otro Conan O’Brien i e seri di televishon Black-ish. DJ Jazzy Jeff ta un íkono danki na su presentashon den The Fresh Prince of Bel-Air i e klásiko ‘Summertime’ ku Will Smith. Soul Beach e aña aki tin un line-up legendario. Fun Miles ta masha orguyoso di por ta un partner den benta di karchi pa un evento spektakular asina!
Tokante Fun Miles
Miembronan di Fun Miles ta disfrutá kontinuamente di oferta, promoshon i eventonan spektakular, manera e próksimo Soul Beach Music Festival na Aruba. Si bo no ke pèrdè e ‘fun’ sigui nos riba social media, bishitá funmiles.net òf download e App grátis di Fun Miles.