E seri mas mira di HBO su premier ta GRATIS riba TDS

E dianan aki unda bo bira, tur hende ta papiando di e seri mas aklamá di HBO. E seri ku ta buta tantu hóbennan komo adulto keda di plak riba nan stul pa no pèrdè 1 kapítulo.

E seri mionario ku HBO a krea i a gana tantu premio ku n’e, Game of Thrones ta bai yega su final. Despues di 7 temporada, Game of Thrones ta drenta su ultimo temporada ku ta temporada 8 i lo ranka sali djadumingu awor 14 di aprel 2019 pa eksaktamente 21:00 riba TDS kanal 509.

Pa e fecha spesial aki, TDS huntu ku HBO ta duna tur kliente di TDS akseso kompletamente grátis na TUR kanal di HBO pues di 509 te ku 520 (pa esnan ku e bòks HD)

For di djabièrnè 12 di aprel te ku djaluna mainta 15 di aprel, tur kliente di TDS lo por disfrutá di e kanalnan di HBO kompletamente grátis i alabes mira e promé episodio di e delaster seri di Game of Thrones #GOT.

Pa e final di e seri TDS lo bai tin un gran kampaña kaminda tur kliente ku tin e pakete di HBO lo bai partisipá pa biba un eksperensia úniko.

Nos ta sugirí tur kliente pa sigui TDS su página di Facebook, TDS Highlights i tambe Instagram @tdscuracao pa nan keda na altura di kiko tur lo bai tin pa dia 19 di mei próksimo ora ku Game of Thrones lo yega su final.

#GOT fans, un temporada final elektrisante ta deseonan di HBO i TDS