Un ‘sneak preview’ eksklusivo riba tres pantaya na The Cinemas

WILLEMSTAD – Esaki ta un super notisia! Miembronan di Fun Miles lo ta promé pa mira e pelíkula tan antisipá Avengers: Endgame. E avanse eksklusivo di e pelíkula lo tuma lugá djarason dia 24 di aprel próksimo pa 11: 45PM. Esaki ta realmente algu spesial, ya ku estreno di e pelíkula mes lo ta 2 dia despues. Esnan ku ta deseá di bai e evento eksklusivo aki ta wòrdu rekomendá pa buska nan karchi ku Fun Miles, na The Cinemas lihé, ya ku espektativanan ta haltu!  

Tokante Avengers: Endgame

Avengers: Endgame ta e di kuater i último pelíkula di e popular seri Avangers di Marvel Studios. E promé tres pelíkulanan tabata un hit total na takianan di sine mundial, i e kontinuashon 4 ta primintí di kibra tur rekòrt. Mundialmente, e fanátiko di pelíkula lo akudí na salanan di sine pa mira kon Iron Man, Hulk i Captain Marvel ta batayá e malbado Thanos.

Kon bo por mira e Fun Miles Sneak Preview

Esnan ku ke mira e avanse eksklusivo dia 24 di aprel próksimo, por kumpra nan karchi na The Cinemas miéntras tin optenibel. Un karchi regular ta kosta 860 Miles, un karchi 3D ta optenibel pa  1030 Miles i un karchi MX4D ku stulnan produsiendo diferente efekto manera e ‘neck tickler’, ‘back poker’, ‘seat popper’, ‘rumbler’ i tambe ‘leg tickler’ por ta dibo pa 1389 Miles. 

Tep: kon pa gana e bataya kontra Thanos

Ku un largura di 3 ora i 2 minüt Endgame ta e pelíkula di mas largu den e kontinuashon di Avengers. Fun Miles lo rekomendá pa bin ku un kusinchi i un klechi si bo ta deseá, i hasi bo anochi di sine ‘late night’ kómodo i konfortabel.

Tokante Fun Miles

Miembronan di Fun Miles ta disfrutá kontinuamente di oferta, promoshon i eventonan spektakular.

Si bo no ke pèrdè e ‘fun’ sigui nos riba social media, bishitá funmiles.net òf download e App grátis di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300, bishitá funmiles.net òf facebook.com/funmiles.