Awor na Kooyman Megastore, i dentro di poko tur kaminda
WILLEMSTAD – E programa di kambia i spar punto mas grandi den Karibe ta keda inová. Klientenan ku tin e último ‘update’ di e App grátis di Fun Miles awor por usa nan telefon komo nan karchi tambe. Nan por scan e barcode fásilmente serka e kahera na kualke partner di Fun Miles. E sistema práktiko aki aktualmente ta únikamente aksesibel na Kooyman Megastore, Zeelandia i Jan Noorduynweg. Tene kuenta ku por solamente spar punto via di e sistema aki. Pronto mas partner di Fun Miles lo ofresé e sistema nobo, meskos tambe lo hasié posibel pa troka punto via di bo propio telefon ku bo App di Fun Miles.
Moderno, práktiko i grátis
E karchi di Fun Miles riba bo pantaya di telefon no ta únikamente moderno, sino tambe masha práktiko. Si bo a lubidá bo karchi di Fun Miles na kas, bo por usa bo telefon i no ta pèrdè niun oportunidat di spar bo puntonan. Por download e App di Fun Miles grátis pa iOS i Android.
Un App yen di fun i funshonalidat
Aña pasá e Fun Miles App a risibí un diseño kompletamente nobo kombiná ku vários funshonalidat moderno. Miembronan di Fun Miles ta usa nan App konstantemente pa mira nan saldo, i ofertanan ku partnernan di Fun Miles tin. Ademas, e ta kontené informashon balioso di Fun Miles i su partnernan tambe.
Introdukshon di teknologia na Kooyman Megastore
Ku e barcode den e App ta bira posibel pa spar Fun Miles na tur Kooyman Megastore den Karibe (ekskluyendo Kooyman Sta. Rosa, Kooyman Café i Kooyman drive-thru). Pronto mas partner di Fun Miles lo ofresé e oportunidat di spar punto hasiendo uso di e barcode. Fun Miles ta masha kontentu ku e inovashon aki, ku den un korto plaso lo bai limitá uso di e karchinan di plèstik i asina kontribuí tambe na nos medioambiente.
Tokante Fun Miles
Miembronan di Fun Miles ta disfrutá kontinuamente di oferta, promoshon i eventonan spektakular.
Si bo no ke pèrdè e ‘fun’ sigui nos riba social media, bishitá funmiles.net òf download e App di Fun Miles.
Mas informashon tokante Fun Miles?
Tuma kontakto ku servisio na kliente na number 465 3300, bishitá funmiles.net òf facebook.com/funmiles.