Willemstad, mart 2019. Djasabra awor, 30 di mart, pa 8:30 pm tur restorant di McDonald’s den Latino Amerika i Caribe inkluiendo Kòrsou, lo paga tur lus no esensial, pa djòin Ora Global “WWF’s Earth Hour”. Arcos Dorados, e kompania di ku ta opera e kadena mas grandi di restorantnan di servisio rapido (QSR) den Latino Amerika i Caribe, ta djòin e kampaña Ora Global “The Earth Hour’’ di World Wildlife Foundation (WWF). Pa hasi e ora aki interesante, lo bai tin un tremendo presentashon di un ‘fire artist’ i un drumband riba e parkeerplaats na McDonald’s St.Maria.

Esaki ta invita suidadanonan, organisashonan i negoshinan pa paga lusnan no esensial pa un ora largu. Meta di esaki ta pa redusí konsumo di energeia i krea konsientisashon riba uzo di energia renobabel. Earth Hour a kuminsa ku un inisiativa di un solo siudad na Sidney, Australia na aña 2007 i a sigui krese den un movementu global, ku ta inspira miyones di persona pa paga lus I asina uni na e movemento pa krea resultadonan ambiental tangible.

 “Pa nos Ora Global, ‘Earth Hour’, ta un oportunidat pa konsientisá nos klientenan tokante e importansia di nos medio ambiente, Na McDonald’s nos ta komprometí na un operashon mas susentibel i ta pesei nos ta implementando diferente inisiativa pa redusí impaktonan negativo riba nos medio ambiente’’, esaki segun Sra. Jennifer Poulina, Market manager di McDonalds Kòrsou.

Huntu ku e inisiativa aki ku ta kai bou di “Recipe for the Future” otro inisiativanan manera recycling i empake sustenibel tambe inkluí.  Aktualmente, 90% di empake ta bin for di rekursonan renobá. Banda di esaki 4 restorant di McDonald’s na Kòrsou tin un “Natural Program” ku tin komo meta pa redusí konsumo di awa i energia dor di re-usa awa kondensá, generá dor di sistemanan di airu akondishoná.