Fun Miles ta orguyoso di tin e ‘Best Of The Best’ den kas…

WILLEMSTAD – Siman pasá Chris Strick a bolbe firma e akuerdo pa representá Fun Miles komo embahador ofisial. Esei ta nifiká ku Chris Strick, e popular artista i MC, lo promové Fun Miles i su partnernan durante kampaña i promoshonnan, rifa premio i muchu mas. Fun Miles ta masha orguyoso di tin Chris Strick bèk na kas i ta entusiasmá pa sigui trese fun huntu ku Chris.

Tokante Chris Strick

E personalidat di radio, artista i MC premiá komo ‘Best Of The Best’ a sá di hiba músika di Kòrsou na un nivel mas haltu. For di su trabounan ku Da Ridlaz, pa su ròl den e éksito di Radio Direct Life 92 i tur su diferente produkshonnan; e karisma di Chris Strick ta un kombinashon perfekto pa e marka di Fun Miles.

Historia di un tremendo kolaborashon

Fun Miles a kuminsa traha ku Chris na 2015, esaki a pèrkurá pa rekuerdonan hopi bunita. Manera e dia ku e’la introdusí Fun Miles Street Lottery na komunidat di Kòrsou riba un trùk grandi kòrá ku gel di Fun Miles, ku músika di DJ RO1 i e promo team. Su promé temporada komo embahador di Fun Miles a sigui di 2016-2017. Hopi ta esnan ku ainda ta kòrda e popular ‘jingle’ di Fun Miles ku e’la traha huntu ku Aïsha Lucas, Oscar Bor i Willem Blankenburgh. Na 2018, e’la yuda Fun Miles selebrá su 20 aniversario dor di sorpresá numeroso miembro di Fun Miles ku premionan spektakular.

Tokante Fun Miles

Miembronan di Fun Miles ta disfrutá kontinuamente di oferta, promoshon i eventonan spektakular.

Si bo no ke pèrdè e ‘fun’ sigui nos riba social media, bishitá funmiles.net òf download e App di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300, bishitá funmiles.net òf facebook.com/funmiles.