For di djarason 10 te djadumingu 14 di aprel 2019, Kòrsou lo ta huespet di e di 8 edishon di Curaçao International Film Festival Rotterdam (CIFFR). Den e festival nos lo pasa diferente eksitonan di e edishon mas resiente di IFFR, poko titulo hopi interesante i diferente proyekto di produktornan di den region i mas ku klaro e kompetensia Yellow Robin Award I kompetensia di Caribbean Shorts.
Pa habri nos di 8 edishon di CIFFR nos a skohe e obra di Nadine Labaki’s Capharnaüm, ganador di BankGiro Loterij Audience Award na IFFR 2019. Banda di otro pelíkulanan di IFFR, e programa di e siguiente dianan lo inkluí pelíkulanan manera Shoplifters di Hirokazu Kore-eda, If Beale Street Could Talk di Barry Jenkins i Monos di Alexis Dos Santos i Alejandro Landes, e último, supsidia pa Hubert Bals Fund.
Yellow Robin Award Competition
Pa di 7 biaha CIFFR ta presentá Yellow Robin Award Competition, den kua 5 pelíkula produsí pa produktornan ku ta surgiendo di Karibe i Latino Amerika lo ta kompetiendo pa e Yellow Robin Award. E selekshon e aña aki ta: Las campañas de invierno di Rafael Ramírez (Cuba), En cenizas di Camila Rodríguez Triana (Colombia), Noemí Gold di Dan Rubenstein (Argentina), Tierra adentro di Mauro Colombo (Panama) i Xquipi’ Guie’dani di Xavi Sala (Mexico).
Un hurado Internashonal lo saka e ganadó, ku lo tin un luga garantisá den IFFR Bright Future programme 2020 i tambe e pelíkula ganadó lo pasa den Morelia International Film Festival na Mexico mas lat e aña aki. E ganadó lo risibí tambe un premio kèsh di $2,500 i training i tayer na balor di $7,500 den programanan manera BoostNL òf CineMart.
Direktor di IFFR Bero Beyer a bisa: “e festival ruman na Kòrsou ta duna talentonan di den Region un trampolin pa mundu. E ganadó di aña pasá, Khalik Allah, a bai Rotterdam den yanüari 2019 pa presentá su pelíkula Black Mother i huntu ku World Press Photo a presentá un tremendo spich. E ta un nòmber pa nos keda kòrda. E pelíkulanan selektá e aña aki lo ta super interesante.”
Caribbean Shorts Competition
CIFFR 2019 lo ta ensenario tambe pa e di 3 kompetensia di Caribbean Shorts. E programa aki ta resultado di un kolaborashon regional di 7 pais organisado di festival di Sine, Cuba, Repúblika Dominikano, Guadeloupe, Martinique, Mexico, Trinidad and Tobago i CIFFR mes. Kada di e isla/pais nan aki a manda nan partisipante pa Caribbean Shorts Competition. E ganadó su pelíkula lo pasa na tur e festivalnan partisipante i tambe na IFFR.
And more
CIFFR su tema e aña aki ta redu, gossip òf ‘through the grapevine’ òf awor aki manera e ta mundialmente konosí “Fake News”. Pelíkulanan tokante e tema aki ku lo pasa ta: Rafiki; Joel; Loro: Everybody Knows; Bellingcat i Doubles Vies.
Den un mini programa speshal titulá Caribbean Artists in Focus, CIFFR lo pasa algun pelíkula kòrtiku, rindiendo homenahe na artistanan ku a hasi trabou di pionero den nos Region. Den e programa lo tin un potrèt dokumental di e artista residensiá aki na Kòrsou Geerdine Kuijpers titulá Free as a Bird di e produktor yu di Kòrsou Sharelly Emanuelson, i Hollandse Meesters in de 21ste eeuw: Tirzo Martha di produktor Ulandes (i IFFR programmer) Tessa Boerman.
Produktornan di sine ku lo ta presenté na e di 8 CIFFR ta e.o Sharelly Emanuelson (Free as a Bird), Cristina Gallego (Pájaros de verano), Lila Avilés (La camarista), Carlos Sorín (Joel), Sams Ellison (Chèche lavi), Meryem Benm’Barek (Sofia) i e produktornan selekshoná den e kompetensia di YRA.
Pa e di 8 Curaçao International Film Festival Rotterdam, bishitá nos website: http://www.curacaoiffr.com