WILLEMSTAD: Djaluna durante di un evento spesial na Digicel Biesheuvel, a anunsiá tur ganador den Digicel su kampaña di karnaval 2019. Manera tur hende sá, Digicel a kompartí e keintura di karnaval ku pueblo di Kòrsou na diferente manera.  Un di e parentesisnan den e kampaña tabata e suma di 10,000 florin ku un grupo òf un ‘karnavalista individual’ por a gana unabes ku nan aksentuá nan grupo òf trahe na kòrá. Jorge Cuartas, Marketing Manager di Digicel ta hopi kontentu ku e akohida di Digicel su Keintura Kòrá e aña aki. “Tur kaminda por a mira pueblo dibertí nan mes ku Digicel. Na nos stènt, riba kaya ku Robozão, ku famia i amigunan riba stèlazje dekorá na kòrá, kant’i kaya ku T-shirt di Keintura Kòrá, bistiendo nos korona pa selebrá nos embahadornan Reina, Prens i Pancho, òf usando e bandera di #NosOrguyo pa selebrá e logro di nos embahador Dibo Doran.”

Ounke espektativa tabata inmenso pa porfin haña sá ken a gana e 10 mil florin, a probechá e oportunidat i entregá tur premio durante di e mesun evento. Ganadornan di e premionan di Top Up semanal, i esnan ku a dekorá nan stèlazje kantu di ruta di karnaval tambe a risibí nan premio. E promé premio di e stèlazje mas kreativo dekorá a bai pa e grupo enkabesá Signell Rosina na Marchena bou di e palu di indju, e di dos premio pa e grupo enkabesá dor di Jinèsa Hato-Martina riba Rooseveltweg banda di Cubaweg  i finalmente e terser premio pa e grupo ‘Bou di Palu’ na Marchena enkabesá dor di Julienne Adelina.

E nominadonan; Atanan Djingueli Duzjeni, Dushi Aventura i Crazy Diamonds.

E premio Keintura Kòrá ta un insentivo di parti Digicel pa pueblo karnavalista; pues totalmente independiente. Unpènel di hurado independientekonsistiendo di sra. Lusette Verboom, sr. Roland Colastica, sra. Surella Henrietta, sr. Finchi Statia,  i srta. Juraine Balentina a saka e ganadó di e 10,000 florin! Un total di 15 grupo a partisipá, no tabata tin niun ‘individual’ den kontienda. Mayoria grupo a skohe pa krea un sekshon ‘kòrá’ den nan grupo pa di e forma ei tòg partisipá. E huradonan tabata tin un trabou difísil, sinembargo a logra saka e ganadónan basá riba e kriterionan ya anteriormente publiká; Totalidat di disfras, Inkorporashon di koló kòrá , Visibilidat di koló kòrá, Presentashon di koló kòrá dilanti di hurado, Originalidat i uso di koló kòrá , Elemento i detayenan sorprendente. Gruponan por a risibí e puntuashon máksimo di 5 punto den kada kategoria. Despues di karnaval e pènel di hurado a bolbe sinta huntu pa un siguiente buèlta i mira tur e fotonan. Di forma unánime a saka tres nominado; Atanan Djingueli Duzjeni, Dushi Aventura i Crazy Diamonds. Tur 3 grupo a pèrkurá pa e koló kòrá keda usa den forma kreativo i tabata realmente un beyesa pa mira.

10 mil florin pa Dushi Aventura!

Despues di a deliberá e pènel di hurado a premia Dushi Aventura ku e Premio Keintura Kòrá i 10,000 florin! “E uso di kòrá den e disfras, di Dushi Aventura for di headpiece te pia tabata balansá, e detayenan i inkorporashon di e koló kòrá den e trahe tabata ekstraordinario. Unda ku bo mira tabata tin kòrá, e visibilidat i presentashon dilanti hurado tabata ekselente. Ademas, a inkorporá e koló kòrá ku otro kolónan p’asina e kòrá sobresalí ainda mas”, esaki di akuerdo ku e pènel. Digicel ta gradisí e huradonan ku tabata tin un tarea enorme pero ku a sá di hasi esaki di un manera profeshonal i transparente.  Entre gritu i aplouso grupo di karnaval Dushi Aventura, a risibí nan premio djaluna último for di Jorge Cuartas durante di e evento di premiashon na Digicel Biesheuvel. Masha Pabien!