Willemstad – Djadumingu dia 14 di aprel Curaçao Lions Club ta organisá pa promé biaha un fundraising bingo. Lions Charity BINGO ta tuma lugá na Hilton Hotel.

E bingo tin 12 wega i kada wega tin 6 karton. Pues kada wega tin 6 chèns pa gana.

Tin premionan for di 300 te 5000 florin kesh. Curaçao Lions Club a pone un premio di porta di 250 florin i pa rebendedó tambe tin 2 premio di 250 florin. Total Lions Charity BINGO ta repartí mas ku 12500 florin na premio.

Manera semper ku tur fundraising di Curaçao Lions Club, tur fondo generá lo ser usá pa un bon kousa den nos komunidat. Ku e fundraising bingo aki e club di leon ke rekoudá fondo pa su proyektonan manera Leo Club, Senior Citizens Day pero tambe pa por hasi donashon na diferente organisashon den nos komunidat.

Lions Charity BINGO ta tuma lugá djadumingu 14 di aprel di 3 pm pa 5.30 pm na Hilton Hotel i ta inkluí un soft i snèk. Karchinan ta optenibel na Mensing’s Caminda, Van Den Tweel Supermarket Zeelandia, serka miembronan di Curaçao Lions Club i rebendedónan konosí.

Pa pedido di 10 karchi òf mas por yama 5119340 i lo entrega esaki personal.

Pa mas informashon bishitá Curaçao Lions Club Facebook www.facebook.com/Curacaolions.