Willemstad – Pa selebrá 60 aña di Royal Scorpions, Mr.Baseball, e dos titanan di merengue Sergio Vargas i Rubby Perez lo ta huntu na Kòrsou riba ún tarima pa FIESTA BOMBA. Sergio Vargas i Rubby Perez ta konosí pa nan hazañanan den faradula durante añanan 80. Tur dos a bishitá Kòrsou na varios okashon i kada biaha di nobo a malkriá e grupo grandi di fanatikonan k’un tremendo presentashon. Djabièrnè 29 di mart lo no ta diferente ora ku Sergio presentá ku respaldo musikal di e gran orkesta DREAMS i Rubby kanta tur su hitnan ku akompañamentu musikal di E.R.A. Un fiesta ku ta primintí di bira un anochi di kita sombre den Elsio Resort na Wiriweg Sta.Rosa. Karchinan ya ta na benta na serka miembronan di Royal Scorpions, Mensing’s Caminada i na Beep Beep. Pa e sekshon general karchi ta 75 florin òf 100 florin ku 4 bibida inkluí. Lo tin dos sekshon VIP GOLD i VIP DAIMOND. Pa informashon i karchi por yama 519 21 92, 510 16 76, 517 94 33 òf 522 72 53. E aktividat ta un ‘fundraising’ pa Royal Scorpions, Fundashon Mayor di Kriansa, Los Paranderos i Grupo di Seú Wapa pa Nos Bai. Konsiderando ku e fanatikonan na Kòrsou di tantu Sergio Vargas komo Rubby Pérez Pues ta bastante, ta rekomendabel pa bo buska bo karchi fo’i tempran, pa bo no keda fo’i dje tremendo ambiente den Fiesta BOMBA, djabièrnè 29 di mart.