‘All Inclusive’, Show di Robozão, premio i hopi ambiente!
WILLEMSTAD: E stèlazje di Digicel riba JPF ta klá pa su promé fin di siman! Ku un struktura di 9 meter largu, 8 meter hanchu i 3 piso ta sigur ku bo no por keda sin mir’é. E keintura kòrá realmente ta oumentá tur dia mas. E stèlazje di Digicel ta ofresé espasio pa aproksimadamente 250 persona disfrutá di nos marchanan di karnaval. “Nos a dekorá e stèlazje kompletamente den ambiente di e ‘keintura kòrá’ i den esaki a inkorporá nos embahadornan di karnaval i nos Rei di tumba 2019. Ademas, e Robozão tambe lo tei i nos ta sigur ku e lo ta un gran atrakshon pa esnan riba nos stèlazje i pa esnan den área di e ‘keintura kòrá’”, esaki di akuerdo ku Jorge Cuartas, Marketing manager pa Digicel.
E stèlazje ‘Keintura Kòrá’ na JPF
E stèlazje ta habrí pa tur usuario di Digicel*. Tur esnan ku tin e My Digicel App instalá riba nan telefon por kumpra te ku 6 tickets pa nan mes. Digicel a pone 2 pakete disponibel. E pakete hubenil ta kosta 150 florin i ta bálido pa Marcha Hubenil, Teener Parade i Despedida Hubenil. E pakete Grandi ta kosta 175 florin i ta bálido pa Marcha Grandi i Despedida Grandi. Ámbos pakete ta inkluí t-shirt, pèchi, pasapalu, un kuminda i limonada durante di e marchanan. Tambe, lo tin WiFi grátis proveé dor di TRES i músika di Dj. Tur esnan riba stèlazje lo tin chèns di gana premionan fantástiko durante di e marchanan. Usuarionan di Digicel por kumpra nan karchi na Digicel Biesheuvel for di 12’or di mèrdia pa 5’or di atardi i na Digicel Sambil entre 6’or di atardi i 8’or di anochi. Karchinan ta bayendo bastante lihé, tuma nota ku op=op!
Robozão ta klá pa Karnaval di Kòrsou
Tur hende ta pendiente pa e robòt di Digicel, Robozão ku a wòrdu buská spesialmente pa selebrá Karnaval huntu ku Kòrsou e temporada aki. Robozão lo duna su show promé ku Marcha Hubenil dia 24 di Mart próksimo i promé ku Marcha Grandi ku ta 3 di febrüari. Usuarionan di Digicel lo tin e chèns di saka potrèt. E robòt di 3 meter largu lo baila i duna su show riba e tumba ganadó di Dibo Doran. Naturalmente tur ku ta riba stèlazje lo disfrutá di Robozão hopi di serka. Konektá via e página di Facebook di Digicel www.facebook.com/DigicelCuracao p’abo tambe sinti e keintura kòrá!