Esaki ta e numerashon di e grupo nan e marcha ta djadumingu 2’or di mèrdia,  ku tin e promé stòp na Topogigo, Roodeweg.

E di dos lo ta na Plasa Hariri i e di tres na Venezuelaweg. I e final ta na rotònde di Cost U Less pa 7’or di anochi.

Ta hasi un súplika pa baiskel i bròmer no ta den e Marcha di Kaba i Polis, Kolaborador-  i Organisadó nan lo bai figa serio riba esaki nan. Den pasado tabata tin aksidente pa motibu di baiskel i Organisadó nan ta hasi un súplika pa no ta den e ruta. Durante di reunion último ku lider nan di grupo a tuma desishon ku e forma di e premiashon lo bai ta 1 Grupo di Aña, di 2 Grupo di Aña i di 3 Grupo di Aña.

Direktiva di Aspafiko huntu ku Fundashon JAG ke hasi un súplika na tur lider nan i partisipante di grupo nan pa nan ta na tempu paso Marcha lo kuminsá 2’or enpunto!

Pa 1’or lo hasi yamada pa tur hende kuminsá posishoná nan mes. Den e marcha lo bai tin nos Baluarte di aña pa Karnaval 2019, sr. Fifi Rademaker i e kabayista sr. Roy Senchi,  ku a e homenahe komo “Rei sin Korona” durante di Festival di Tumba 2019 i e kabayista nan si lo bai bistié su korona.

E numerashon ta lo siguiente : no. 1 Criadero el Hijo de David di sra. Mavis Bernardus, no. 2 Hasta la Amanecer di sr. Pim Martis, no. 3 Los Caballeros di sr. Ak Rojer, no. 4 Jardin Dorado di sr. Marco Rojer, no. 5 Rancho de Herberg di sr. Totty Ignacio, no. 6 Bandabou Rangers di sra. Ishel Doran i no. 7 Royal Guard di sr. Peter Isenia.