Karchi pa Hak’e, bòn di gasolin, trahe di karnaval den Estreno Mas Pikete i mas!

WILLEMSTAD, febrüari 2019 – Nagico su kampaña di karnaval ta den full swing.  E aña aki atrobe Nagico tin un laso di koperashon ku diferente banda, grupo i organisashon karnavalesko, di e forma ei aportando na Kòrsou su karnaval. Ta e intenshon pa kompartí e alegria di karnaval ku tur kliente i tur esnan ku ta sali kas pa disfrutá di eventonan manera Hak’e i e próksimo marchanan. Resientemente e tim di Hak’e a bishitá ofisina di Nagico Insurances na Dr. H. Fergusonweg #10 ku e VW Polo 2019 ku e aña aki por wòrdu ganá durante di e jump-in. Manera tur hende sá, e aña aki Nagico ta orguyoso Insurance Partner di Hak’e 2019 i lo sòru pa e VW Polo 2019 ta sigurá ‘All Risk’ i tambe lo duna e ganadó di e outo un montante di gasolin grátis.

E kampaña ‘Kambia, Spar i Gana’ ta kontinuá henter e temporada aki.  Ademas di spar 15% òf mas riba bo seguro di outo eksistente tur kliente tin chèns di gana premio!Nagico ta duna tur kliente ku ‘kambia i spar’ riba nan seguro di outo oportunidat di gana e VW Polo 2019. Klientenan ku durante di e temporada aki ‘kambia i spar’  tin chèns di gana entrada (pakete pa djabièrnè i djasabra) di Hak’e i nan partisipashon pa e outo, bòn di gasolin grátis i tambe un partisipashon den Gran Marcha i Marcha di Despedida ku Estreno Mas Pikete. Tur siguidó di Nagico riba social media tin chèns di gana nan entrada pa Hak’e i diferente otro premio mas. ‘Like’ e página di Nagico Curacao riba Facebook awe mes!

E kambio di bo seguro pa unu di Nagico ta sosodé masha rápido; bishitá Nagico ku un kopia di bo pólisa eksistente, keuringskaart i un reibeweis bálido.Ofisina di Nagico ta habrí nònstòp for d i 8’or di mainta pa 5’or di atardi. *E kampaña di karnaval ta bálido te ku dia 22 di febrüari, 2019.