Bo ta korda e mamament’i guy na Sede? E desayuno na CSC kaminda na luga di koffie tabata bebe serbes of Vodka? E busnan ku tabata daña hibando nos salida? E drechament’i disfras na ultimo momentu ora sea un zip of zom laga los? Bo ta korda nos Bar ku tabata habri fo’i mainta tempran kaminda awa por a kaba pero alcohol NUNKA!!! Bo ta korda tur e trabounan ku tabata wordu hinká den e headpiecenan pa na mitar kaminda haña nan bentá kant’i kaminda? E pizzanan kayente kayente ku tabata yuda krea un base pa e diferente likidonan ku tabta wordu konsumí? Kon bo por lubida e subiment’i seru,…hopi a purba kopia pero sin resultado? Happy Peanuts?? Judith?? E publiko ku tabata warda nos yega nan dilanti pa trese ambiente? Miho bisá boso ta korda e ambiente ku solamente T’aki Tin por a pone den Marcha di Karnaval???

Pues djasabra awor, 9 di februari 2019 nos ta warda boso tur pa 1 biaha mas nos rebiba tur e momentunan di T’aki Tin i naturalmente sin falta e bitternan. Nos ta bai pone un ambiente meskos ku tabata e kaso durante 15 aña den marcha.

Yega tempran i disfruta di e Happy Hour entre 8.00pm-9.00pm kaminda tur bebida lo ta 2-for-1, Style di nos Bar!!

Pues si bo no tin bo T-Shirt ahinda, tuma kontakto ku un miembro di Direktiva of pasa na CSC – Damacor, djahuebs awor 7 di februari, entre 5.00-8.00pm.

T’aki Tin 20 aña!!