Microsoft Word – PB CD 2019_Yamada pa boluntario_def.docx

Henter komunidat ta invitá pa partisipá riba15 i 16 di mart

Microsoft Word – PB CD 2019_Yamada pa boluntario_def.docx

WILLEMSTAD— E di seis edishon di CURA DOET a lansa 10 di november 2018. Riba 15 i 16 di mart 2019 e akshon boluntario nashonal di mas grandi na Kòrsou lo bai tei den full swing. Nos ta sumamente orguyoso di e míles di boluntarionan ku a duna un man den e último añanan. Anto ainda tin hopi kos pa hasi. E di seis edishon di CURA DOET ta pinta di bira e edishon di mas grandi te ainda. Ku un total di 281diferente organisashon sosial, inkluyendo organisashonan di bario, di skout, di deporte, di grandinan i hopi skol rònt Kòrsou, a inskribí en total 341 tarea òf aktividat i awor ta buskando mas ku 5,500 boluntario pa djòin nan durante CURA DOET dia 15 i 16 di mart 2019.

Den 2014, e promé biaha ku a organisá e akshon na Kòrsou, e tabata un éksito rotundo. 2600 hende a partisipá pa kumpli ku 132 tarea i aktividat. E aña aki e kantidat a bira mas ku dòbel mas tantu. Aworaki, faltando un luna i mei mas pa e di 6 edishon, nos ta hasi un yamada pa boluntarionan inskribí masalmente pa adoptá un proyekto k’un grupo. Boluntarionan por mira tur e tareanan i aktividatnan riba www.curadoet.com i por inskribí komo individual òf grupo.

Durante e edishon aki di CURA DOET, banda di e famoso slogan “Dun’un man, gan’un kurason!” e aña aki ta den ambiente di “Bo yudansa pa un sonrisa”. Ku esaki nos ke pone e enfoke riba e balor di trabou boluntario i e partisipashon di nos komunidat kompletu i espesialmente lokual esaki tanifiká pa e organisashonnan ku ta ser yudá.

E momentu a yega pa huntu nos pone man na obra pa regalá Kòrsou e sonrisa ku e meresé. Huntu nos ta logra mas. Nos ta konta ku bo, pa huntu nos realis’é!

No tarda, Kòrsou mester di bo yudansa!
Skohe bo proyekto faborito i inskribí bo mes awor komo boluntario riba

www.curadoet.com