Djaweps atardi den un tremendo ambiente serka Pizza Hut, Saliña, nos mucha- i hóbennan a skohe nan number di aparishon pa elekshon nan 01 i 03 di febrüari próksimo.

Un total di 5 Duo Tiner a skohe nan number pa asina dia 01 di febrüari na Kleine Werf por duna un tremendo presentashon. Nos a komprondé di sr. Juni Aniceta ku probablemente tin dos skol mas ku lo partisipá den e elekshon Duo Tiner 2019.

Komo Duo no. 1, Dievenier Hamen i Quiarah Paulina di Maria College VSBO, Duo no. 2, Chandel Beker i Nayeli Olbino di Le Plaisir D’Life, Duo no. 3, Junny Pieter i Roxenia Rozal di The Cyber Club, Duo no. 4, Jordan Martis i Queensheny Lourens i komo Duo no. 5, representando The Flavor Teens.

Pa Reina Hubenil nos tin 7 partisipante, No. 1, Euchenna Hamen, No. 2, Vidailis Lodovica, No. 3, Dianthely Pourier, No. 4, Raisandra Juliana, No. 5, Rishona Rosaria, No. 6 O’Mirila Victoria i komo No. 7 Kydionna Polonius. Pa duo Prens i Pancho Hubenil 2019 nos tin 3 duo, komo Duo No. 1, Nedion Sluis i Reywentley Koeiman, Duo No. 2, Haydrion Hooi i Angel Gomez i komo Duo No. 3, Jurnick Polonius i Giëndrick Martina.

Elekshon Rei i Reina Tiner 2019 lo tuma lugá dia 01 di febrüari 2019 na Kleine Werf di 7’or pa 12’or di anochi, entrada ta fl. 20,–. I Hubenil ta dia 03 di febrüari 2019, den Foodcourt di Sambil i entrada ta GRATIS.

Bin apoyá nos mucha- i hóbennan paso ta nan lo tin ku kontinuá i tuma over e riendanan di nos Karnaval. Un danki di kurason na Staf i Personal di Pizza Hut ku a habri nan portanan pa nos evento.