10,000 florin pa e grupo mas kòrá:
WILLEMSTAD: Pa di 2 aña konsekutivo Digicel ta aportá na karnaval di Kòrsou. Aña pasá pueblo di Kòrsou por a disfrutá grandemente ku Digicel, e aña aki di akuerdo ku Jorge Cuartas, e aporte lo ta mas tantu i Digicel lo ta mas grandi durante di henter e temporada. “Kòrsou lo sinti un keintura kòrá ku lo trese alegria, kreatividat i hopi ambiente! Henter pueblo ta keda invitá pa kontagiá ku e ‘red fever’ i forma parti di e kampaña di Digicel. Lo tin premio pa esnan ku ta kliente, esnan ku ta kant’i kaya i esnan ku ta den marcha!”
Patrosinio na Fundashon JAG
Djaweps atardi, Digicel a ‘kick-off’ ofisialmente e temporada di karnaval ku presensia di Fundashon JAG i e kandidatanan ku próksimamente lo partisipá na Reina di Karnaval. Digicel su kontribushon na kresementu i desaroyo karnaval, ta kana pareu ku un kampaña na unda henter pueblo por partisipá. Lo tin un premio di 10.000 florin pa e grupo di mas kòrá den Gran Marcha. Meskos, tambe lo premia e grupo di mas kòrá kant’i kaya. Ademas, klientenan di Digicel lo benefisiá di preisnan redusí pa eventonan di karnaval ora nan kumpra nan karchi usando e My Digicel App. E temporada ta largu, pues mester keda pendiente pa mira kon e keintura kòrá di Digicel lo kontagiá nos karnavalistanan.
Sr. Cuartas ta kontinuá bisando, ku nan ke aportá na elevá e kalidat i aportá na kontinuidat di nos karnaval. “Den un ekonomia ku tin su retonan, Digicel ta keda sostené Kòrsou su máksimo evento kultural. Meskos ku aña pasá Kòrsou su embahadornan di karnaval, lo representá Digicel den tur evento”. Ganadornan di e Show di Talento ku lo tuma lugar djadumingu awor lo risibí un plan di data LTE grátis pa 1 luna. Reina, Prens i Pancho 2019, lo risibí un telefon mas un LTE Bundle pa 1 aña, ademas nan lo bira embahador di Digicel tambe i lo representá e kompania i su produktonan den diferente kampaña durante henter aña 2019.
Download bo My Digicel App!
Tur ku download My Digicel App (MDA) lo por kumpra karchinan di entrada pa elekshon di Reina, Prins i Pancho di karnaval, na preis redusí. Ademas klientenan mester keda pendiente pa kumpra karchi na preis spesial riba MDA pa diferente jump-in tambe. No lubidá, e My Digicel App ta grátis i e mas importante, e no ta konsumí bo data!
Telefon den promoshon ‘Red Fever’
Pa antisipá e ‘red fever’, Digicel lo tin promoshon riba benta di diferente telefon otro siman. Bo mester ta konektá ku Digicel su LTE; ora e keintura kòrá kontagiá bo grupo ta kos di kompartí! Durante henter e temporada aki lo tin diferente oferta; e telefonnan lo ta na preis ‘kayente’. Digicel ta komprometé na ofresé un streaming rápido, manda òf risibí potrèt i mensahe ku spit LTE i habri kualke página riba internèt ku un smarphone, tablèt òf kualke aparato elektróniko ku tin internèt sin tardansa. Konektá via e página di Facebook di Digicel www.facebook.com/DigicelCuracao i kuminsa sinti e keintura kòrá!