WILLEMSTAD:- Den transkurso di e siman aki, un kompania di publisidat Arubano lo ta realisando un ‘research’ (investigashon) na Kòrsou riba bebementu di serbes. Mas aleu e kompania ta hasi un yamada na tur hende hòmber ku ta deseá di partisipá na e asina yamá ‘focus group’ pa manda un email ku tur informashon di kontakto na research@ishmedia.com. IshMedia ta un kompania di publisidat ku tin komo un di nan spesialidatnan hasi investigashon riba merkado arubano, e biaha aki ku un tarea spesífiko lo hasi un investigashon pa un kliente tokante di ‘bebementu di serbes’ na Kòrsou. E proseso ta simpel: E partisipante mester ta un Hende Hòmber di entre 18 pa 24 aña di edat i/òf entre 28 i 35 aña di edat- e lo mester manda su informashon di kontakto, IshMedia lo yama bèk pa realisá un pre-screening na telefon, si e partisipante ta kualifiká e lo partisipá den e Focus Group ku lo tin riba djabièrnè dia 13 i/ òf djasabra dia 14 di desèmber próksimo. Na final di e partisipashon na e Focus Group e partisipante lo risibí 30 doler ($30) komo rekompensa.  Si bo ta interesá, email bo informashon di kontakto i partisipá!