Fundashon J.A.G. kier a deseá pueblo di Kòrsou un Felis Aña 2019. Manera boso a bin ta tuma nota di dje pa basta siman ku e gran apertura di Curaçao Carnival Village pa Karnaval 2019 lo tuma lugá djasabra 05 yanüari próksimo na Kleine Werf.

Fundashon J.A.G. ku a bin ta trese inovashon den nos Karnaval for di aña pasa, i e aña aki kier a bini ku algu grandi pa nos por selebrá nos Karnaval.

E sitio a kambia i lo tuma lugá na Kleine Werf, portanan ta habri for di 6’or di atardi. Pa 7’or lo tin un Dj Show, sigui pa 8’or nos agrupashon nan musikal manera, VEGA, ICONS by Gio i GENTZ. Ku lo trese nan mihó piesanan kombiná ku tumba pa asina deleitá e públiko presente. Nos Rei di Tumba 2018, Urwin “Luwi” Yano tambe lo ta presente.

Despues nos lo haña presentashon di KASSAV, ku lo selebrá nan 40 aniversario aki nan Kòrsou. Presentando tur nan hitnan di tur tempu.

I nos lo klousura ku un tremendo show di vürwèrk presentá pa Grustavo Semeleer.

Karchinan di fl. 55,– ta Sold Out, loke ku a sobra ku no ta hopi na balor di fl. 65,–,  ta optenibel na Tik Tak, Beep Beep Rio Canario, Mensing’s Caminada i 24 uur uit de muur.

Pues abo ku no tin bo karchi ainda, no tarda masha paso no a sobra masha karchi mas. Pa djabièrnè nos lo kanta un Sold Out sigur.

Fundashon J.A.G. ta invitá pueblo di Kòrsou pa bin selebrá #Huntu e gran apertura aki ku un bon komportashon manera semper.