JCI Willemstad komo un organisashon lokal ku afiliashon internashonal na JCI International ta presenta su Direktiva na komunidat di Kòrsou. Tur aña di nobo miembronan di e organisashon ta elegí esnan ku nan ke pa representá nan den e Direktiva di e aña entrante pa guia e organisashon pa e periodo di 1 aña. E Direktiva di JCI Willemstad pa aña 2019 ta konsistí di Presidente sra. Sheryl Renfrum-Sordam, Sekretaria sra. Shakira Albertoe, Tesorero sra. Anchuelic Tomasa, Vise Presidente sra. Jeanine Mattheeuw i Presidente saliente (IPP) sra. Vanessa Overman.

JCI Willemstad ta enfoká pa enbolbí hobennan entre 18 pa 40 aña ku ke kontribuí pa trese un kambio impaktante den nos komunidat. JCI ta sòru tambe pa krea lidernan den komunidat i ta disponé di e konosementu pa un desaroyo duradero i sostenibel, formashon, liderasgo i tambe programanan efektivo pa analisá e nesesidatnan ku ta reina den nos komunidat.

JCI Willemstad sigur pa aña 2019 lo bai duna atenshon na e balornan aki. Si bo ta interesá pa sa mas di nos bo por kontaktá nos na jciwillemstadsecretary@gmail. com i por sigui nos atraves di nos facebook page JCI Willemstad tambe.