WILLEMSTAD – E selebrashon espektakular di 50 aña Wulfsen & Wulfsen a yega su punto kulminante ku e rifa di djabièrnè ku ta tópiko di kòmbersashon. E felis ganadónan ta konosí i Wulfsen & Wulfsen ta invitá nan pa risibí nan premio úniko.

50 aña Wulfsen & Wulfsen:

Den e último 50 añanan Wulfsen & Wulfsen a konsentrá riba benta di paña di moda Europeo di halta kalidat. Sigur den e añanan ku e kompania a kuminsá den Karibe esaki tabata hasi falta den nos region i W&W a spesialisá den esaki. Ku  globalisashon ya no por bisa ku W&W ta e úniko mas pero e kompania semper a keda mantené su mes na e konsepto di paña di moda Europeo di halta kalidat. Den komienso tabata bende solamente moda pa hende hòmber i den añanan 80 a añadí moda pa hende muhé tambe na e surtido ku W&W tabata ofresé. Miéntras tantu e surtido a bira mas trendy pero semper ku estilo i di bon kalidat. Meskos ta konta pa e radiashon di e pakusnan di W&W. “Wulfsen a bira 50 aña yòn”, Michael Wulfsen ta bisa. “Den e último añanan nos a pasa dor di kambionan grandi i mi por bisa ku nos ta bon repará pa futuro. Aruba tambe lo sigui pronto. Na Aruba nos ta warda pa kaba ku renovashon di kaya i pronto nos lo hasi e kambio na e pakus einan tambe. Durante 50 aña Wulfsen & Wulfsen tabata marka pouta den Karibe i esei nos lo keda hasi tambe pa  próksimo 50 aña.

50 aña yòn:

Komo muestra ku Wulfsen & Wulfsen ta kla prepará pa futuro a probechá di e okashon aki na Kòrsou komo sorpresa pa  desvelá e logo nobo di Wulfsen & Wulfsen. E logo nobo ta mustra klaramente un Wulfsen & Wulfsen yòn, sin pèrdè e konosido skritura. “Esaki ta é meta ku nos a stipulá pa e 50 añanan benidero,” segun Michael Wulfsen.

E ganadónan ta konosí:

E último luna aki tur hende por a partisipá na e rifa úniko i espektakular di 50 aña Wuldsen & Wulfsen. Tur media a dediká atenshon na e memorabel hubileo i tambe di e kampana speshal akí. Tantu na Aruba komo na Kòrsou un dama i un kabayero por a gana un deskuento personal di 50% pa bida largu na Wulfsen & Wulfsen. Djabierne ultimo anochi tabata e kulminashon. Na Aruba e rifa a tuma lugá durante un presentashon bibu na televishon den e programa di fin di aña di Ruben Garcia. Na Kòrsou tabatin un rueda di prensa den nos mes pakus i akinan San Nikolas tabata e invitado misterioso poko ántes di su regreso pa Spaña e hòmber santu tabatin e honor di hasi e rifa.

Na Kòrsou esakinan ta: Señora Ingrid J. Cornelia & señor René Ph. Römer Próksimo siman lo invitá e ganadónan pa risibí e espektakular premio den un ambiente festivo na Wulfsen & Wulfsen.