20 regalo pa selebrá 20 aña Fun Miles

WILLEMSTAD – Resientemente Fun Miles a hasi donashon di 20 regalo na ‘Ieder Kind een Kerstcadeau’ di Dolfijn FM. E kantidat di regalo ta simbolisá e selebrashon di 20 aña Fun Miles. Tur regalo ku keda rekoudá durante di ‘Ieder Kind een Kerstcadeau’ lo keda entregá na muchanan di ménos rekurso, ku di otro manera lo no a risibí un regalo e Pasku aki.

Tokante ‘Ieder Kind een Kerstcadeau’

E eksitoso projekto pa rekoudá regalo di Dolfijn FM, ta tumando lugar pa di 12 aña konsekutivo. Tur aña di nobo, empresanan lokal i oyentenan di e radio ta kontribuí ku míles di regalo. Siman pasá djarason, Promé Minister sr. Eugene Rhuggenaath a realisá apertura di e projekto pa e aña aki.

Tokante Fun Miles

E aña aki, Fun Miles ta selebrando su 20 aniversario komo é programa di spar i troka mas grandi den Karibe. Pa demostrá su gratitut na komunidat di Kòrsou, Fun Miles a hasi diferente donashon e aña aki. Miembronan di Fun Miles ta disfrutá kontinuamente di promoshonnan ‘fun’ manera e aktual kampaña di ‘Fun Dominoes!’ na unda por gana míles di premio fantástiko serka tur Fun Partner, i e premio mayó di 1 mion Fun Miles!

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles