Willemstad;

Den 2019 Korsou su karnaval lo ta sumamente grandi I un di e eventonan ku sigur ta kontribui na esaki ta  “HAK’E Curacao Jump In Festival”. E biaha aki HAK’E lo ta un evento ku ta tuma luga dia 22 I 23 di Februari 2019.

Anunsiando nan patrosinado ofisial “Volkswagen Curacao” pa e wikent di “HAK’E Curacao Jump In Festival” den 2019, Estreno mas Wepa a inisia su rueda di prensa dunando informashon di un tremendo wikent den februari ku hopi ambiente karnavalesko.

E di 4 edishon di HAK’E lo ta unu ku 2 dia di aktividat:

Djabierne dia 22 di Februari HAK’E lo ta e ensenario pa duna Homenahe na Tumba. Organisadonan a hinka un programa den otro kaminda 4 orkesta lokal lo tin un reportorio ku diferente Rei I Reina nan di Tumba pa asina. riba djabierne e amante di Tumba I tambe e fanatiko di HAK’E lo hanja un espektakulo karnavalesko den un ambiente ja kustumbra di HAK’E. Por lo menos 10 Rei-nan di Tumba lo presenta ku orkestanan manera ERA, Doble R, Randal Corsen Ochestra I Happy Peanuts.  Tumberonan manera Mr. Saab, Farley Lourens, Tico “Benoni” Balentien, Ike Jesurun, Gibi Doran, Izaline Calister, Elia Isenia I Reinier Lijfrock ta algun di e artistanan ku lo presenta e anochi aki.

Djasabra dia 23 di Februari HAK’E lo ta ensenario pa nos menos ku 9 agrupashon musikal ku lo komparti 3 diferente ensenario durante un eksploshon di musika di roadfire, tumba I algun sorpresa mas. HAK’E ja un evento sumamente gusta ta pinta di ta un wikent pa tur hende. Agrupashonan manera Hype, One, Highway band, Vega, Dolce, Era, Dreams, Gentz i Icons by Gio huntu ku tur artistanan invita ta ingredientenan  pa un ambiente sin igual. Kombina esakinan ku DJ Ro-1 I tambe MC Chris Strick bo sa ku HAK’E ta un Festival ku bo no por perde.

Huntu ku tur e agrupashonan musikal, dj-nan, Tumberonan, artistanan invita HAK’E I Volkswagen Curacao ta dunabo e oportunidat di sali riba djasbra dia 23 di Februari 2019 komo e ganado absoluto di un Volkswagen Polo 2019. Kumprando bo kaarchi pa HAK’E i ta presente den Festival Center riba djasabra 23 di Februari 2019, abo por ta ganado di e auto aki. Ahinda no ta kla; Nagico Insurance e partner ofisial di seguro di HAK’E a soru pa e auto ta sigura I tambe duna un montante na gasolin gratis or abo gana e Volksagen Polo 2019. HAK’E huntu ku Volkswagen Curacao I Nagico Insurance un biaha mas ta mustra ku no solamente nan ta sostene nos artistanan lokal pero tambe ta balora abo komo fanatiko di HAK’E Curacao Jump In Festival I pa esaki ta dunabo chens di gana un auto nobo nobo ku su seguro I gasoline inklui*. (*sigi regalanan di kampaña).

Despues di por a organisa HAK’E 3 aña konsekutivo riba e tereno di parker na Sambil den 2019 Festival Center lo ta e kas di e festival aki. Den u kolaborashon sumamente positivo e organisashon di HAK’E huntu ku Amak a jega na un akuerdo pa organisa tur e dos dianan aki den Festival Center. Estreno mas Wepa a konfirma ku e fanatiko di HAK’E lo eksperensia Festival Center di un manera ku nunka prome nan no a wak.

Volkswagen Curacao, Nagico Insurances, Amstel Bright, Massive Productions, Estreno mas Pikete I Estreno mas Wepa ta orguyoso di por organisa e wikent di HAK’E Curacao Jump In festival dia 22 I 23 di Februari 2019 I ta invita un I tur pa kuminsa buta e fecha di 2 di Januari 2019 kla pa asina kumpra bo kaarchi serka miembronan di Estreno Mads Pikete.

Kaarchi pa djabierna ta kosta: ANG 45,00

Kaarchi pa djasaba ta kosta: ANG 65,00

Kaarchi di pakete pa tur dos dia ta kosta: ANG 95,00

Sigi tur medionan di komunikashon I tambe e pagina di Facebook @hakecuracao pa bo keda na altura di tur desaroyo di e Festival karnavalesko ku lo bira aun mas grandi den 2019. HAK’E Curacao Jump In festival huntu ku su partner nan ta desea tur hende felisa dia di fiesta.

Estreno mas Wepa,

HAK’E