Di manera ku miembronan pordisfrutá mesora!

WILLEMSTAD – Hopi kliente ta skohe Kooyman pa material di konstrukshon i pa tur loke nan tin mester pa embeyesimentu di paden òf pafó di nan kas. Pero, tin un otro detaye masha importante; nan por spar i troka Fun Miles tambe! Anteriormente Kooyman tabata transferí e puntonan ku e kliente a spar na fin di kada luna, pero entrante 1 di yanüari 2019 esaki lo sosodé diariamente. E kambio aki ta hasi posibel ku miembronan por práktikamente troka nan Fun Miles mesora serka partnernan di Fun Miles. Kooyman su ‘Mega Miles’ ta un rekompensa èkstra i lo wòrdu transferí na final di kada kuartal.

Tokante Kooyman

Kooyman no tin mester di niun introdukshon, e ta konosí komo e promé eskoho pa materialnan di konstrukshon, i pa tur kos pa paden i pafó di kas. Klientenan por skohe for di un surtido ku kontinuamente ta keda aktualisá. Tin mas di 25.000 produkto pa skohe for di dje. Kualke djòp lo ta eksitoso, danki na e konseho di empleadonan amabel i vèrsá di Kooyman.

Mega Miles

Kooyman su Mega Miles ta èkstra punto riba bo Fun Miles; nan no ta wòrdu transferí diariamente sino kada kuartal. E ta funshoná asin’aki: klientenan semper ta risibí 2x Fun Miles riba tur kompra na Kooyman. Unabes ku nan paga i swáip nan karchi di Fun Miles, nan ta risibí 1x Fun Miles, ku ta keda transferí tur dia entrante dia 1 di yanüari. Na final di kada kuartal ta hasi un konteo di tur kompra i dependiendo di e montante, e miembro ta keda rekompensá te na un máksimo di 4x èkstra Fun Miles. Bo tin chèns di spar hopi Fun Miles! Pa mas informashon por bishitá www.kooymanbv.com/fun-miles-curacao/.

Tokante Fun Miles

E aña aki, Fun Miles ta selebrando su 20 aniversario komo é programa di spar i troka mas grandi den Karibe. Miembronan di Fun Miles ta disfrutá kontinuamente di promoshonnan ‘fun’ manera e aktual kampaña di ‘Fun Dominoes!’ na unda por gana míles di premio fantástiko serka tur Fun Partner, i e premio mayó di 1 mion Fun Miles!