Un gesto pa e muchanan di Kolegio Santa Clara

WILLEMSTAD – Aña pasá Renaissance Curaçao Resort a djòin e tradishon anual di Wind Creek Hospitality, ku e rekoudashon di regalo pa mucha den e temporada festivo di Pasku. E aña aki pa di dos aña konsekutivo ta presentá e ‘Magical Christmas Toy Drive’.  Ta aktivá e ‘drop off’ di regalo mesora i ta invitá klientenan, miembronan i tur persona ku e aña aki ke hasi un gesto bunita pa entregá e ko’i hunga na Carnaval Casino- te ku dia 17 di desèmber próksimo. Por hasi esaki for di 11’or di mainta pa 11’or di anochi na e Player’s Center di Carnaval Casino.

Un regalo pa Kolegio Santa Clara

E aña aki lo entregá tur ko’i hunga na Kolegio Santa Clara, na Jandoret. Por hasi donashon efektivo tambe, ounke apresiá, e no ta rekerí. Ta e idea pa trese un vibrashon navideño serka tur mucha ku ta bishitá e skol.  E regalo, ku un balor mínimo di 10 florin lo ta pa muchanan entre 4 i 12 aña di edat.  Lo entregá e regalunan di e ‘Magical Christmas Toy Drive’ dia 18 di desèmber próksimo. Ta e idea pa trese un vibrashon navideño serka tur mucha ku ta bishitá e skol.  E regalo lo ta pa muchanan di entre 4 i 12 aña di edat.

Hasi un regalo i GANA un Weekendstay!

Komo gratitut Renaissance Curaçao Resort i tambe Carnaval Casino lo rifa un estadia di 2 anochi na Renaissance Curaçao Resort, e di dos premio lo ta un sena pa 2 persona, terser premio un lunch pa 2 persona, e di kuater premio un desayuno pa 2 persona i e di sinku premio lo ta $50 free play cash na Carnaval Casino! Risibí un formulario pa kada regalo, kompletá e informashon riba esaki i deposit’é den e tómbola na Carnaval Casino.  Lo rifa e premionan dia 18 di desèmber próksimo. Ta importante pa menshoná, ku e ko’i hunga mester ta nobo, pero no lorá den papel di regalo. Renaissance Curaçao Resort ta invitá komunidat di Kòrsou pa biba e esensia di Pasku i kompartí e ‘Magical Christmas Toy Drive’!