Blue Bay Curaçao Golf & Beach Resort – Ku un selebrashon adekua di ‘spantenbier’, karanan kontentu i orguyoso di tur persona konserní i e brindis usual, a selebrá, riba djabièrnè 30 di novèmber e yeganda na e punto mas haltu di e proyekto ʹThe Shoreʹ na Blue Bay Resort. E proyekto ku su 32 apartamento luhoso ta bai perfektamente segun su planifikashon i ta finalisá na final di 2019. Konstrukshon di ʹThe Shoreʹ, ku ta brinda oportunidat pa trabou na 100 trahadó, ta un estímulo grandi pa empleo na Kòrsou. Ekonomia tambe ta haña un impulse pa motibu di e partisipashon grandi di kompanianan lokal den e proyekto. Motibu dikon Minister di Desaroyo Ekonómiko, Steven Martina, a hiba palabra durante di e seremonia ofisial i a brinda, huntu ku CEO/Doño di Blue Bay Sepp Koster, riba un finalisashon eksitoso na 2019.  

Danki na un asosashon ku finansiadó Algemeen Pensioenfonds Curaçao (APC) a duna inisio na e konstrukshon riba  dia 1 febrüari 2018. Kompanianan di arkitektura Bo!Arkitektura i Studio Acht a traha e diseño, mientras e konosido arkitekto di interior Ulandes, Osiris Hertman, a duna guia den uso di material i detaye. Kontratista lokal DS Constructions ta responsabel pa konstrukshon i akabado di e apartamentunan, mientras  7Global Constructions N.V. ta traha i akabá e pisina. Hopi profeedó lokal manera Brugman Keukens, ken ta responsabel pa e kushinanan, i Wimco, ku ta instalá e aparatonan elektróniko den e kushinanan, pero tambe Betonindustrie Brievengat ku ta para pa e beton i blòkinan, tambe ta ligá na proyekto ʹThe Shoreʹ.

Ku lansamentu i entrega di e proyekto aki ta originá un produkto úniko di kalidat haltu na Kòrsou. Fokus di e proyekto ta riba e segmentu di kumpradó mas haltu, di Kòrsou i di pafó. Mas ku mitar di e apartamentonan ya kaba tin doño, di origen Kanades, Merikano, Aleman i Ulandes. Esaki ta yuda mehorá ekonomia lokal. Si abo tambe ta interesá den un di e apartamentunan luhoso aki, kaminda playa di Blou ta kuminsá nèt na salida di bo apartamentu, tin oportunidat pa bishitá un apartamentu modelo for di awor. Traha un sita ta posibel via: realestate@bluebay-curacao.com.

Ku un invershon den proyekto ʹThe Shoreʹ bo tin bista riba un 2019 briyante, huntu ku Blue Bay Curaçao Golf & Beach Resort! ’Enjoy Life!’